Nkundira ngushimire by Chorale Ineza ya Nyagasani Lyrics Video

Inyik. Nkundira ngushimire Mana umpora hafi, Nkundira ngushimire Mana undutira byose, Nkundira nkurate Mubyeyi mwiza, Mana watwiremeye shimirwa, Reka tugutaramire, Wowe dukesha kubaho uzakomeze uturinde. 1. Reka nkuvuge imyato, ngushimire ibyiza wampaye, mbiratire n'abandi, bamenye ko uri Imana, bareke ibibatanya, bamurikire abandi, bamenye ko uri Imana, umugenga wa byose. 2. Impuhwe z'Imana, nizo zimbeshejeho, urukundo rwayo, rukambera ikiramiro, nimumfashe dushimire, iyo neza yayo, ibyo dutunze byose, niyo yabiduhaye 3. Njye nzasingiza Imana, ndate ibigwi byayo, nzahora nibuka, ibyiza yangiriye, nzahanika ndirimbe, ndate izina ryayo, mbyine ntarake, muvugirize impundu. 4. Niringiye Uhoraho kuko amenya intege nke zanjye, n'igihe cyose mutakiye, akumva ijwi ryanjye, nzamubera umwana, nawe ambere Imana, nzihatira iteka, gukora icyo ashaka. 5. Abiyambaza Imana, ntijya ibatererana, abafite agahinda, niyo ibahumuriza, nawe sanga Uhoraho, akize roho yawe, azaguhora hafi, mu buzima bwawe. 6. Mu magorwa yanjye, natakiye Uhoraho, ntiyantererana, antabara bwangu, nzahora mushimira, ko yankuye ahakomeye, igihe nkiri kw'isi, nzahora murata. 7. Ibikorwa by'Uhoraho, biratangaje, kandi impuhwe agira, zihoraho iteka, ni umubyeyi mwiza, tuzahorana iteka, abamwizera bose, ntibazakorwa n'isoni. ‪@inezayanyagasanichoirbutet3426‬