#రచన :- వీణా గారు#శ్రీ రామ చంద్రుడే పెళ్లి కుమారుడు సిరులొలికే సీతమ్మే పెళ్లి కూతురు

శ్రీ రామ చంద్రుడే పెళ్లి కుమారుడు - సిరులొలికే సీతమ్మే పెళ్లి కూతురు //2// అందాల రాముని అపురూప జానకి పరిణయం జరిగిన శుభదినం || శ్రీరామ// పచ్చనైన పందిళ్ళు నింగికెగసెను చక్కనైన పీఠలు భూమి నిండెను //2// సన్నాయి మ్రోగెను.. కోకిలలు పాడెను... సంతోష జలధిలో జనులంత మునిగెను కనులార తిలకించు భాగ్యము కనివిని ఎరుగని పరిణయం || శ్రీ రామ | దశరధుని ఆనందం అంతులేనిది - జనకునికి సంతోషం పట్టరానిది //2// ముగురమ్మలందరు మురిసెను ఈ దినం - సాకేతమాయను సరదాల సంబరం ముక్కోటి దేవతలు మురిసెను చల్లని వరములే కురిసెను// శ్రీ రామ | రాముని పై ముత్యాలు నీలమాయను - జానకి పై రతనాలు జాలువారెను //2// రామయ్య చూపులు - సీతమ్మ నవ్వులు మెరిసెను మెరుపులు కురిసెను పువ్వులు ఆనంద జలదిలో మునగగ అందరు వందనం చేయగ || శ్రీ రామ// ధర్మానికి ప్రతిరూపం రఘురాముడే . సహనానికి ప్రతిరూపం సీతజానకి //2// ఆదర్శ దంపతి లోకాల సంపతి ఇక్ష్వాకు సన్నిది ఆపదల పెన్నిధి - ఆదర్శ దంపతులకు హారతి రాముని నామమే మా గతి/శ్రీ రామ,.