Մոնիկա Թամոևա․ Եզդի երիտասարդների ձայնը

«Եզդի երիտասարդների ձայնը» ֆորմատի մեր հերոսուհին 15-ամյա Մոնիկա Թամոևան է։ Մոնիկան և նրա ծնողները դեռ փոքր տարիքից են կողմնորոշվել՝ աղջիկը երգարվեստով է զբաղվելու։ Հենց մեծ բեմերի մասին երազելով է մեծացել Մոնիկան։ Մեծ երազանքներ, որոնք սկսվել են փոքր քայլերից։ Այսօր Մոնիկան սովորում է 9-րդ դասարանում, միևնույն ժամանակ հաճախում է Ս Ասլամազյանի անվան թիվ 1 երաժշտական դպրոց, որտեղ էլ սովորել է՝ պետք է ընդառաջ քայլել երազանքներին։ Մոնիկան նպատակ ունի նաև ընդունվել համալսարան՝ ծրագրավորման ուղղությամբ, համոզված է, որ ապագան կառուցվում է գիտելիքով և աշխատասիրությամբ։ Մոնիկան իր ամեն հաջողության համար շնորհակալ է իր ծնողներին՝ իր տաղանդը բացահայտելու, մեծ աջակցության և նրա երազանքները լսելու համար, բեմում իր առաջին հաստատուն քայլերի համար երախտապարտ է վոկալի իր առաջին ուսուցչին, ով տեսել է իր ձիրքը և վստահեցրել՝ Մոնիկային մեծ բեմեր են սպասում։ Նրա կոչն է եզդի աղջիկներին՝ չվախենալ իրենց երազանքների մասին բարձրաձայնել։ ---- Հետևեք մեզ նաև՝ Instagram   / xiret_media   Youtube    / @xiretmedia   TikTok   / xiret_media   Facebook   / xiret.media   Website https://xirat.com/