Bura vətəndir - İlisu

“BURA VƏTƏNDİR”- İLİSU.. Ssenari müəllifi: Lütfi Nəzəroğlu Rejissor: Nəsimi Əliyev Gözəlliyilə dillərə düşən İlisu- həm də, özünün qədimliyini əks etdirən zəngin tarix və memarlıq abidələri baxımından Qaxın məşhur kəndlərindən sayılır. Kənd bir yaşayış məskəni kimi XIII əsrdə yaranıb. Ərazidə ilk məskunlaşanlar- vaxtilə, İlisudan 3 kilometrlik bir məsafədə məskən salmış insanlar olublar.Daha sonralar isə, həm yerli azərbaycanlıların, həm də, Dağıstanın Saxur rayonundan köçüb gələn saxurların yerləşməsi nəticəsində formalaşıb. Deyirlər –burada bəzən yay aylarında hava elə soyuqlaşır ki, sanki payız aylarını yaşayırsan.. Bu yerlərin sinə göynədən saf, təmiz havasının- min bir dərdin dərmanı olan təbii minerallarla zəngin dağ sularının şöhrəti- nəinki ölkə ərazisində ,hətta dünyanın bir çox yerlərində belə, öz məşhurluğu ilə dillər əzbərinə çevrilib.Elə,bu səbəbdən İlisu- həm yerli, həm də əcnəbi turistlərin diqqət mərkəzinə çevrilib. Artıq hər il xeyli sayda turist- bu səfalı və şəfalı yerlərdə həm istirahət edir, həm də ölkəmizin tarixi keçmişi ilə yaxından tanış olurlar.   / ictimai.tv     / ictimaitv.official   https://itv.az/ #İTV #Buravətəndir #ictimaitv #video #televiziya #baku #videolar #itv