आज्ञापत्र-२ l आज्ञापत्र लिहिण्यास कारण कि l #vnshinde #shivajimaharaj #adnyapatra

रामचंद्रपंत अमात्य यांनी लिहिलेल्या आज्ञापत्राबद्दल रा.चिं. ढेरे लिहितात, ‘रामचंद्रपंत अमात्य-प्रणीत आज्ञापत्र हा शिवप्रभूंच्या स्वराज्यनितीवरील सूत्रग्रंथ आहे....शिवछत्रपतींनी भारताच्या इतिहासात जे युगांतरकारी कर्तृत्व गाजवले आणि स्वराज्याचा जो महान आदर्श निर्माण केला, त्याचा रहस्यार्थ ज्यात घनीभूत झाला आहे, असा ग्रंथ म्हणजे आज्ञापत्र. आज्ञापत्राच्या शब्दाशब्दात शिवप्रभूंची आत्मशक्ती अमात्यांनी गोचर बनविली आहे.’ या आज्ञापत्राचे आठ भाग आहेत. राजे श्री शिवछत्रपतींनी स्वराज्य निर्माण केले, त्याचा इतिहास आपणास सर्वत्र वाचावयास मिळतो. या मालिकेत आपण आज्ञापत्र लेखनाची आज्ञा झालेल्या आज्ञापत्रापासून सुरुवात करत आहोत. ही आज्ञापत्र अत्यंत मार्मिक शिकवण देणारी आहेत. माणूसपण जपायला शिकवणारी आहेत आणि म्हणूनच ती सर्वाधिक महत्त्वाची ठरतात. रामचंद्रपंत अमात्य यांनी तीन तपे स्वराज्याची सेवा केली. त्यांनी हा ग्रंथ आज्ञापत्राच्या रूपात लिहिला आहे. छत्रपती द्वितीय संभाजी महाराज यांनी अमात्यांना उद्देशून हे आज्ञापत्र लिहिले आहे आणि या आज्ञापत्राद्वारे त्यांनी अमात्यांना श्री शिवछत्रपतींनी स्वराज्याचा निर्माण केलेला वारसा राजनैतिक विचार राजकुमाराला शिकवण्याचा आदेश दिला आहे, अशी भूमिका घेऊन हा ग्रंथ निर्माण केला. याच आज्ञापत्रापासून आपण प्रत्यक्ष श्री शिवछत्रपतींची आज्ञापत्र या मालिकेस प्रत्यक्षात सुरुवात करत आहोत. #vnshinde #worldrecordsofshivajimaharaj #shivajimaharajanchikaryniti #shivray #shrishivchhatrapati #chhatrapatishivajimaharaj