પતિ અમેરિકાની જેલમાં બંધ, પત્ની બીજા સાથે ‘સેટ’ થઈ ગઈ । USA News in Gujarati

અમેરિકામાં સામાન્ય કહી શકાય તેવી નોકરી કરતો એક ગુજરાતી યુવક છેલ્લા લગભગ દોઢ વર્ષથી ત્યાંની જેલમાં બંધ છે અને હવે અમેરિકામાંજ રહેતી તેની પત્ની તેનાથી અલગ થવાની તૈયારીમાં છે. એક રેડ દરમિયાન આ ગુજરાતીની ધરપકડ થઈ ત્યારે તેની સાથે બીજા પણ કેટલાક દેસીઓ પકડાયા હતા અને આ તમામ લોકો હાલ અંદર છે. આ તમામ લોકોમાંથી માત્ર એક જ શખસ પરણેલો છે અને તે 2023ની આસપાસ જ પોતાની પત્ની અને બાળક સાથે ઈલીગલી અમેરિકા પહોંચ્યો હતો. તેના જેલમાં ગયા બાદ તેની પત્ની માટે ઘરનું ગુજરાન ચલાવવાની સાથે-સાથે પતિને છોડાવવા વકીલને ફી ચૂકવવાનું ખૂબ જ મુશ્કેલ બની ગયું હતું. આ દરમિયાન તેના સાસરિયાએ તેને ઈન્ડિયા પાછી બોલાવી લેવા માટે પણ પ્રયાસ કર્યા હતા. જોકે, આ યુવતી ઈન્ડિયા પાછી આવવા માટે તૈયાર નથી અને હવે તેણે અમેરિકામાં જ એવી ગોઠવણ કરી લીધી છે કે પતિ વિના તેનું કોઈ કામ પણ અટકે તેમ નથી.