Kaos në pallatet e Tiranës: Ligji për administrimin nuk zbatohet prej 3 vitesh - (1 Maj 2012)

Lajme arkiva 2012 Brunilda Cami: “Ligji për administrimin e bashkëpronësisë në ndërtesat e banimit, i miratuar në prill të vitit 2009, nuk po gjen zbatim. Edhe pse jemi në Maj të vitit 2012, ky ligj nuk është zbatuar kurrë e për pasojë, gjendja e shumë pallateve në kryeqytet është e tillë.” Nëse ky ligj do të kish nisur të zbatohej në fund të Prillit të tre viteve më parë, atëherë të gjitha pallatet mbi dy kate do të kishin një administrator që do të kujdesej që nga ndriçimi i shkallëve e deri tek riparimi i fasadave të jashtme, të cilat në pallatet e para ’90-tësa po bien në tokë. Mungesa e një administratori bën që problemet e pompës së ujit, ashensorit, shkallëve dhe gjithçkaje tjetër në përdorim kolektiv të zgjidhet sipas mënyrës së gjithsecilit. “Jo, s'kemi. E bëjmë vetë.” “Jo”. Gazetarja: “Po kur prishet pompa apo ashensori apo për riparimin e pallatit”. “Del ndonjë nga ato të pallatit dhe mbledh lekët dhe e rregullojnë.” “Njerëzit janë në punë, janë të ikur. Dikush që përgjigjet një farë kuote, domethënë e paguan dhe kuptohet që jeton më mirë dhe është ka kushte më të mira.” “Po ta shohësh shkallën tonë, çdo njeri e ka lyer sipas ngjyrës së vet, njëri e ka rozë, tjetri e ka të verdhë. Gjithsecili bën vetëm katin e vet.” “Vullnetarisht, kush do të paguajë, kush nuk do të paguajë”. “Asnjë gjë fare, e ndez njëri, e fik tjetri, pa pastruar një shkallë a nuk e merr vesh. Janë me qira e një pjesë kanë ik.” Me fat janë ata banorë që në pallatin e tyre kanë një administrator, i cili edhe pse nuk është i regjistruar në zyrën e bashkisë apo komunës siç e përcakton ligji, arrin të zgjidhë problemet e banorëve kundrejt një pagese të caktuar nga vetë ata. Edhe pse ligjërisht janë vetë banorët ata që duhet të kërkojnë ngritjen e asamblesë së bashkëpronarëve, pas kësaj zgjedhjen e kryesisë, përcaktimin e tarifës mujore për administrimin e pallatit, e më pas lidhjen e kontratës me administratorin apo shoqërinë administruese. Ata nuk janë aspak në dijeni të këtij ligji. Gazetarja: “A jeni në dijeni që është miratuar një ligj për administratorin?” “Po nuk është se nuk e dimë.” Ligji për administrimin e bashkëpronësisë në ndërtesat e banimit, i miratuar në 9 Prill të vitit 2009 ka mbetur ende i paplotësuar me aktet nënligjore nga ana e Këshillit të Ministrave dhe Ministrisë së Punëve Publike. Plotësimi i tij me të gjitha këto dokumente ligjore do t'i hapte udhën bashkive dhe komunave për zbatimin e tij, sepse regjistrimi i asamblesë, kryesisë së bashkëpronarëve dhe administratorët apo shoqëritë administruese duhen regjistruar nga pushteti vendor, i cili është edhe organi kontrollues i zbatimit të këtij ligji në ndërtesat e banimit mbi dy kate./tvklan.al Gazetare: Brunilda Cami SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/