“Монгол оюуны өвийг дэлхийд хүргэсэн бүтээлч хүн” З.Түмэн-Өлзий(МУСГЗ, Хүндэт Доктор)

Монгол хүн хүч, зориг, сэтгэлээрээ төдийгүй оюунаараа дэлхийг байлдан дагуулж чаддагийг харуулсан нэгэн бол Зандраагийн Түмэн-Өлзий гуай. Тэрээр “Оюун ухааны музей”-г үүсгэн байгуулж, 130 гаруй улсын 11,000 бүтээлийг нэг дор цуглуулсан төдийгүй 438 төрлийн өвөрмөц шатрын цуглууллагаараа Гиннесийн дэлхийн амжилт тогтоосон —Үүнийг ахиулж 1000 шатар цуглуулахаар өдгөө 80 гаруф насандаа шаргуу хөдөлмөрлөж, бидэндээ үлгэр дуурайлал болсоор байна. Намайг очих үед шатраа бүтээгээд л сууж байгаа нь үнэхээр бахархам байсан. Түүний амьдрал бол оюун ухаан, гарын ур дүй, тэсвэр хатуужлын нэгдэл. Тэр зөвхөн бүтээсэнгүй — Монгол хүний сэтгэх ухааны хүчийг дэлхийд харуулсан. Энэ дугаарт бид З.Түмэн-Өлзий гуайн бүтээл, итгэл, хөдөлмөрийн үнэ цэнийг баатарлаг сэтгэлгээний өнцгөөс судалж, оюуны хүч ямар үнэ цэнтэйг ухаарна. 🎧 BAATAR Podcast — Монгол хүний дотоод баатар оюунаар гэрэлтдэг.