BASHE AWAVAA TRA, WAKULIMA KUTUMIA EFD

Waziri wa Kilimo, Hussein Bashe amewaonya Mamlaka ya Mapato Tanzania (TRA) kutowalazimisha wakulima kuwa na mashine za kutoa risiti za kielektroniki (EFDs) kwa sababu hakuna sheria iliyopitishwa na Bunge inayowalazimu kufanya hivyo. Bashe ameyasema hayo leo Aprili 15,2025 wakati akichangia mjadala wa makadirio ya mapato na matumizi ya Ofisi ya Waziri Mkuu, taasisi zake na Mfuko wa Bunge kwa mwaka 2025/26. Mjadala huo ulianza Aprili 9,2025 baada ya Waziri Mkuu, Kassim Majaliwa kuomba kuidhinishiwa na Bunge Sh782.08 bilioni kwa mwaka 2025/26 kwa ajili ya ofisi yake, taasisi zake na Mfuko wa Bunge. Video na Hamis Mniha