Dada Gaun Siranchok Gorkha -गोर्खाको डाँडागाउँ --खड्कसिंह गुरुङ पदमार्ग

गोरखाको सिरानचोक गाउँपालिका–१ डाँडागाउँमा स्वर्गीय खड्गसिंह गुरुङको नाममा निर्माण गरिएको ५२६ मिटर लामो पदमार्ग उद्घाटन गरी गाउँलाई हस्तान्तरण गरिएको छ। बेलायतमा बसोबास गर्ने उनका सन्तान तथा परिवारको पहलमा डाँडागाउँ–केराबारी क्षेत्र जोड्ने गरी पक्की पदमार्ग निर्माण गरिएको हो। पदमार्गको सुरुआत र अन्त्यमा गेट तथा चौतारी पनि बनाइएको छ। परिवारका तर्फबाट जेठा नाती मिनबहादुर गुरुङले रिबन काटेर उद्घाटन गरेका थिए। उद्घाटनपछि गाउँलेहरू पञ्चेबाजासहित गीत गाउँदै नाच्दै पदमार्ग परिक्रमा गरेका थिए। विदेशमा रहेका परिवारको सहयोगमा बनेको यो पदमार्गले स्थानीय आवतजावत सहज बनाउनुका साथै पर्यटन प्रवर्द्धनमा टेवा पुग्ने अपेक्षा गरिएको छ।