Պատրաստում եմ ծննդյան տորթ ԱՌԱՆՑ շաքար և ԱՌԱՆՑ խմոր | Սեփական փորձով

Ահա և բաղադրատոմսը - 300 գրամ վարսակի փաթիլները ջեռոցում բովում ենք, լցնում ապակե տարայի մեջ, 150 գրամ ընկույզը մանրացնում ենք, այնուհետև մանրացնում ենք 100 գրամ նուշ, հետո յուղաթղթի վրա լցնում ենք մանրացված ընկույզը, նուշը, ավելացնում ենք 100 գրամ արևածաղկի սերմեր, ջեռոցում մի փոքր բովում ենք ու լցնում ապակե տարայի մեջ, որից հետո 200 գրամ խուրմայի կտերը հանում ենք, կոտորակիչով մանրացնում ու ավելացնում ընկուզեղենի և վարսակի փաթիլներին։ Այդ ընթացքում 2 ճաշի գդալ ժելատինը թրջում ենք և թողնում, որ ուռչի, իսկ մեր ապակե տարայի մեջ ավելացնում ենք 2 ճաշի գդալ կակաո, 1 ճաշի գդալ դարչին, մի պտղունց ծովի աղ և վանիլ։ Դրանից հետո 2 հասած բանանը տրորում ենք և էլի ավելացնում մեր ապակե տարայի մեջ, իսկ մասսան իրար կպցնելու և քաղցրացնելու համար 100 գրամ հալեցված կարագին ավելացնում ենք 3 ճաշի գդալ մեղր ու էլի լցնում նույն ապակե տարայի մեջ, այնուհետև լավ խառնում ենք, տեղափոխում ձևամանի մեջ և տրորիչով ձև տալիս։ Իսկ վերևի շերտի համար վերցնում ենք 300 գրամ սերուցքային պանիր, 180 գրամ կաթնաշոռ, 3 ճաշի գդալ մեղր, վանիլ, 2 ճաշի գդալ կոնյակ, հարիչով հարում ենք, այնուհետև բարակ շիթով ավելացնում ենք միկրոալիքային վառարանում հեղուկացրած ժելատինը ու շարունակում հարել։ Ստացված զանգվածը լցնում ենք առաջին շերտի վրա, թափահարում ենք, որպեսզի հավասարվի ու դնում ենք սառնարան, որ կայունանա։ Ես վրան զարդարել եմ դամասկոսյան վարդի թերթիկներով, քանի որ ամուսնուս ծննդյան առթիվ էի պատրաստել տորթը ու ուզում էի, որ այն տոնական լիներ, իսկ դուք կարող եք զարդարել ըստ ճաշակի։ #selfcare #nosugarcake #wellbeing #healthyhabits #wellbeinglab #nutrition #բարեկեցություն #բարեկեցությանլաբ