Reagojnë vëllezërit e Learton Vathit pas arrestimit të Bashkim Kullës - (13 Tetor 2005)

Lajme arkiva 2005 Një ditë pas arrestimit të Bashkim Kullës, personit të akuzuar për vrasjen e vëzhguesit të Partisë Republikane në zgjedhjet e 3 korrikut në Tiranë, reagojnë familjarët e viktimës. Dy vëllezërit e konsiderojnë arrestimin e Kullës si një vullnet të shtetit shqiptar për të luftuar krimin. “Është fillimi i një procesi të gjatë. Është kapur gishti që ka tërhequr këmbëzën, ndërsa ideatorët dhe organizatorët e saj janë lart në kupolën e shtetit, në ish-kupolën e shtetit. Ndodhen në Parlament. Tani presim hapa të mëtejshme.” “Falënderojmë kur ka vullnet për të kryer veprime, të kapen jo vetëm në tokë por edhe poshtë tokës. Falënderojmë qeverinë e re.” Në të njëjtën linjë shprehet edhe si-kandidati për deputetet i Partisë Demokratike në Tiranë, Edi Paloka për ndalimin e personit të akuzuar si vrasësi i vëzhguesit të zonës të tij elektorale. Edi Paloka: “Përshëndes ministrin e Rendit dhe stafin e Ministrisë të Rendit, sepse po tregojnë me të gjitha ngjarjet e fundit por sidomos me arrestimin e Bashkim Kullës se kur është vullneti, kur është dëshira atëherë kriminelët arrijnë të kapen edhe nëntokë, siç ishte rasti i Bashkim Kullës. Ndërsa lidhur me çështjen konkrete unë do të thoja që Bashkim Kulla është vrasësi jo thjeshtë akuzohet, por është vrasësi i Tonë Vathit. Megjithatë ai është nga ata që u pagua.” Bashkim Kulla u ndalua të mërkurën në mbrëmje rreth orës 18 e 30 pasa një aksioni të “bluve” të kryeqytetit në banesën e tij në Tufinë e Tiranës. Vëllai i Mehat Kullës kishte qenë i strehuar në një tunel të fshehtë e cila lidhej me një tunel të gërmuar poshtë pllakës të dushit në banesën e tij. 100 ditët e fshehjes në banesën e tij që prej 3 korrikut ku qëlloi për vdekje ndaj Learton Vathit kanë marrë fund një natë më parë edhe në saj të një informacioni të saktë që i ka kushtuar Policisë 5 milionë lekë të vjetra. Në banesë është gjetur sipas uniformave “blu” një arsenal i vërtet armësh, ndërsa vetë Kulla nuk ka bërë rezistencë në momentin e ndalimit. /tvklan.al Gazetare: Mimoza Koçiu SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/