Oksfordga ichkaridan nazar: Vatandoshimizning mashhur universitet haqida hikoyasi

Dunyodagi eng qadimiy va nufuzli universitetlardan biri, Oksford haqida video olish uchun bu shaharga borib, u yerda tadqiqot qilayotgan vatandoshimiz Iqboljon Sobirov bilan uchrashdim. Videoda Oksfordning tarixi va buguni haqida hikoyadan boshlab, universitetga ichkaridan nazar tashlash uchun Iqboljonning kolleji, Somervil Kollejini aylandim. Somervil misolida Oksford universitetidagi kollej o'zi qanday joy ekani, uning tarixi, u yerdagi talabayu tadqiqotchilar hayoti, bo'sh vaqtlarida nimalar qilishiga yaqindan nazar tashladim. Undan so'ng vatandoshimiz bilan suhbat qurib, Oksfordni sayr qildik. Bu Oksford haqidagi birinchi video: Iqboljon bilan ilmiy suhbatimiz - sun'iy idrok, tibbiyot sohasida tadqiqotlar, Oksfordda ilmiy tadqiqot qilish, magistraturada o'qish, stipendiya olish va hokazo mavzularni alohida video shaklida keyingi yakshanba kuni chop qilaman. Ikkinchi videoda Telegram kanalimdagi o'quvchilar savollariga ham javob beriladi. Kanalni kuzatishda davom eting! Telegramdagi kanalim: https://t.me/profsherzod Iqboljonning Telegram kanali: https://t.me/ikboljonsobirov