SHAMRA SHAMRA ZA EID UL ADHA KAUNTI YA ISIOLO

Huku waumini wa dini ya Kiislamu wakiendelea kujiandaa kusherehekea sikukuu ya Eid ul Adha, shamra shamra zimeendelea kushuhudiwa katika maeneo mbalimbali ya Kaunti ya Isiolo, hususan katika soko la mifugo la mjini Isiolo. Katika soko hilo, shughuli za biashara ya mifugo zimeongezeka huku wafanyabiashara na wanunuzi wakifanya maandalizi ya sikukuu hiyo. Hata hivyo, wafanyabiashara wa mifugo wanasema kuwa bei ya mbuzi, kondoo na ng’ombe imeshuka ikilinganishwa na siku za awali, hali wanayoeleza kuchangiwa na kupanda kwa bei ya mafuta nchini. Akizungumza katika soko hilo, mwenyekiti wa soko la mifugo, Mohamed Wario, amesema kuwa gharama kubwa za mafuta zimeongeza gharama za usafiri, jambo ambalo limeathiri idadi ya wanunuzi wanaonunua mifugo kwa wingi kama ilivyokuwa hapo awali. Ameongeza kuwa katika siku za kawaida za soko, idadi ya mifugo inayowasili huwa kubwa, lakini kwa sasa imepungua kutokana na gharama za kuisafirisha kutoka maeneo ya mashinani. Kwa upande wake, mfanyabiashara wa mifugo Abdi Tuse amesema kuwa kupanda kwa bei ya mafuta kumeleta changamoto kwa wafanyabiashara na wanunuzi, akieleza kuwa baadhi ya wafugaji wameshindwa kupeleka mifugo yao sokoni kutokana na gharama kubwa za usafiri. Join this channel to get access to perks:    / @wasotv   WASO TV - Informing and Entertaining