BAG-ONG POWER FACILITY SA NAGA, MAKATABANG SA PAGKUNHOD SA YELLOW ALERTS

BAG-ONG POWER FACILITY SA NAGA, MAKATABANG SA PAGKUNHOD SA YELLOW ALERTS UG GARANTIYA SA DUGANG NEGOSYO SA SUGBO Gihangop ni Cebu Governor Pamela Baricuatro ang groundbreaking sa bag-ong 60-megawatt (MW) Naga Battery Energy Storage System (BESS) sa AboitizPower nga nahimutang sa Naga Power Plant Complex, Brgy. Colon karong adlawa. Kini ang ikaduhang BESS facility sa Aboitiz sa probinsya human sa una niini didto sa Lapu-Lapu City. Matod pa ni Gov. Baricuatro, dako kaayo og matabang ang maong proyekto aron mapugngan ang mga nasinatiang "Yellow Alerts" o pagnihit sa kuryente sa Sugbo gumikan sa kusog nga paglambo sa ekonomiya ug pagdaghan sa mga investors. "Ang pagpalambo sa atong energy security dili lang isyu sa imprastraktura, kondili usa ka serbisyo publiko. Sigurohon niini nga dili mabalda ang operasyon sa atong mga ospital, negosyo, ug ang panginabuhi sa matag pamilyang Sugboanon," matod pa sa Gobernador. Pinaagi niini nga pasilidad, mas mapalig-on ang grid sa kuryente, masaligan ang suplay, ug mas mosalig pa ang mga langyaw ug lokal nga negosyante nga mamuhunan sa Sugbo tungod sa kaandam sa imprastraktura alang sa malungtarong kalamboan. I via Jimrey Biosa