Lirohet nga Haga Ramush Haradinaj, reagimet e liderëve kosovarë - (9 Qershor 2005)

Lajme arkiva 2005 Ish-kreu i qeverisë kosovare Ramush Haradinaj, ka mbërritur në Prishtinë. Avioni që e shoqëroi nga Haga u ulë në aeroportin e Sllatinës rreth orës 4 të pasdites. Haradinaj u prit nga bashkëshortja e tij Anita, kryeministri Kosumi e shumë përkrahës të tij. Gjatë udhëtimit ai u shoqërua nga zv/shefi UMNIK Klari Rosin duke kërkuar të respektoj kushtet e lirimit të tij të përkohshëm. Haradinaj u është shmangur mediave të pranishme në aeroport dhe është larguar menjëherë drejt Prishtinës. Gjatë qëndrimit të tij në Kosovë ai nuk mundet të bëjë deklarata për mediat, nuk mundet të mbaj poste në administratë dhe nuk mund të largohet nga vendi i lindjes. Lirimi i tij me kusht sigurohet pas tre muajsh me misionin ndërkombëtar në Kosovë, që në këtë rast luan rolin e garantit. Disa media të huaja e komentojnë vendimin së gjykatës së Hagës si pozitiv duke argumentuar se Haradianj i nevojitet UMNIK-ut për të stabilizuar gjendjen në Kosovë. Lirimi tij u vlerësua pozitivisht edhe nga liderët kosovar. Ibrahim Rugova: “Është një ngjarje me rëndësi, ndërsa zoti Haradinaj do të veprojë sipas procedurave të gjykatës së Hagës.” Bajram Kosumi: ”Për qeverinë, po për gjithë popullin e Kosovës është një ditë e pritur mirë, një ditë me gëzime. Është forcimi i besimit të popullit të Kosovës në drejtësinë. Populli i Kosovës ka besuar në drejtësi në 3 muaj të ditëve kur Ramushi ka shkuar në Hagë.” Nexhat Daci: “Unë besoj që janë moment që duhet të gëzohen të gjithë. Shumë punë kemi kryer jemi në finale dhe ardhja e kryeministrit të kaluar do të jetë ndihmesa më e madhe për ne.”/tvklan.al Gazetar: Fatos Hakorja SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/