姜濤陳卓賢《CHILL CLUB：A New Stage》完場訪問

姜濤陳卓賢《CHILL CLUB：A New Stage》完場訪問 姜濤拖住Ian做訪問 姜濤直認「小休復出」心情緊張，故表現未夠好，下次會做得更好，「出場前叫工作人員摸我心口，因為好耐冇開工很緊張。」笑問是否為了方便讓人摸心口才著Deep V？他說：「我想試吓新形象，如果唔好睇下次著返樽領，反正大家成日話MIRROR冇夏天衫，哈哈！」 至於Ian感謝Fans一連串的生日應援，奈何工作忙碌未能親身「打卡」，生日正日在工作中渡過，笑言可以逼工作人員幫他慶祝，皆因自己甚少大搞生日，也會與女友Amy Lo補祝。笑問姜濤會否送生日禮物給Ian？他表示要諗諗；Ian即笑說：「今年諗唔到咪下年送囉，哈哈！」 此外，談到Serrini大讚二人可愛，Ian亦反讚Serrini更可愛，皆因她在出場前主動跟花姐「申請」要拖他手合唱。問到姜濤會否讓Serrini拖？他淡定說：「得呀！」再笑指不如讓Serrini摸他心口感受他的緊張？姜濤即嚇窒說：「吓？」認真搞笑！ #姜濤 #陳卓賢 #mirror #chillclub #星島娛樂