ဇွဲကပင်မြေက သံမဏိနှင်းဆီ (ရုပ်/သံ)

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အားကိုးယုံကြည်ရတဲ့ ကရင်ပြည်နယ်ဝန်ကြီးချုပ် နန်းခင်ထွေးမြင့်ဟာ အမျိုးသားဒီမိုကရေစီအဖွဲ့ချုပ် (NLD) ပါတီရဲ့ ရှားပါးလှတဲ့ ကရင်အမျိုးသမီးခေါင်းဆောင်တဦးဖြစ်သလို၊ မြန်မာ့နိုင်ငံရေးလောကမှာ အာဂအမျိုးသမီးတစ်ဦးအဖြစ် ရပ်တည်နေသူ ဖြစ်ပါတယ်။ သူမရဲ့ နိုင်ငံရေးခရီးလမ်းတလျှောက်မှာ စစ်အာဏာရှင်အဆက်ဆက်ရဲ့ အကြိမ်ကြိမ် ဖမ်းဆီးထောင်ချမှုတွေကို ကြုံတွေ့ခဲ့ရပေမဲ့လည်း၊ ဒေါ်အောင်ဆန်းစုကြည်နည်းတူ စစ်တပ်ရှေ့မှာ ဘယ်သောအခါမှ ဒူးမထောက်၊ ဦးမညွှတ်ခဲ့တဲ့ သူမရဲ့ မပြောင်းလဲတဲ့ သံမဏိစိတ်ဓာတ်ကတော့လေးစားအတုယူဖွယ်ရာပဲ ဖြစ်ပါတယ်။ ၂၀၂၁ စစ်အာဏာသိမ်းပြီးနောက် သူမကို စစ်တပ်က ဝိုင်းထားပြီး ဝန်ကြီးချုပ်အိမ်ရာမှာ အကျယ်ချုပ်သဘောမျိုးနဲ့ စောင့်ကြည့်ခံနေရတဲ့ အခြေအနေမှာတောင် သူမဟာ ကြောက်ရွံ့တွန့်ဆုတ်သွားခြင်းမရှိဘဲပြည်သူတွေနဲ့အတူ တသားတည်းရှိနေကြောင်း ရဲရဲဝံ့ဝံ့ သက်သေပြခဲ့ပါတယ်။ စစ်တပ်အာဏာသိမ်းတဲ့နေ့က သူမကို လာရောက်ဖမ်းဆီးတဲ့ စစ်ဗိုလ်ကို ပြောခဲ့တဲ့ "ဗြောင်မဲစနစ်နဲ့ အရွေးခံရဲတယ်" ဆိုတဲ့ သူမရဲ့ ရဲရင့်တဲ့ စကားသံတွေဟာ မြန်မာ့နိုင်ငံရေးသမိုင်းရဲ့ အလှဆုံး မှတ်တိုင်တခုအဖြစ် ကျန်ရစ်နေဦးမှာဖြစ်ပါတယ်။ #မြန်မာ #ဧရာဝတီ #နန်းခင်ထွေးမြင့် #သံမဏိနှင်းဆီ #ဒေါ်အောင်ဆန်းစုကြည် #What'sHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ Link လေးကို နှိပ်ပြီးတော့ ပါဝင်နိုင်ပါပြီ။   / @irrawaddynews1993   စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation