Tv Klan - Situatë kritike nga zjarret në Gramsh, humb jetën 80-vjeçari

Një 80-vjeçar nga Gramshi është viktima e parë e zjarreve që këtë verë kanë përfshirë vendin. Ai kishte ndezur vetë flakët në oborrin e tij, por në përpjekje për t’i shuar ato humbi jetën nga asfiksia. Flakët kanë dalë nga kontrolli, duke shkaktuar një situatë alarmante që ka përfshirë fshatrat Kullollas, Bletëz dhe Menkollarë. Autoritetet kanë urdhëruar banorët të lënë menjëherë banesat, pasi flakët u rrezikojnë jetën. Forcat zjarrfikëse dhe ato të armatosura janë duke u përpjekur të vënë flakët nën kontroll, ndërsa, siç duket nga pamjet, ka nisur edhe ndërhyrja nga ajri. Problematike paraqitet situata edhe në bashkitë Finiq dhe Delvinë, pranë Parkut Natyror të Syrit të Kaltër, ku flakët vijojnë të jenë aktive dhe problematike. Për vënien nën kontroll të këtyre vatrave, në terren janë 8 zjarrfikëse dhe rreth 90 forca operacionale të mbështetura edhe nga helikopteri i Forcës Ajrore, si dhe 2 avionë grekë, 1 helikopter çek dhe 1 sllovak, ndërsa pritet që në ndihmë të vijë edhe një helikopter Black Hawk i Forcës Ajrore. Berat – Situatë e vështirë për autoritetet mbetet edhe pranë Uzinës Mekanike në Poliçan, ku flakët po i afrohen qytetit dhe Azilit të të Moshuarve. Përkeqësim ka pasur në fshatrat Plirëz dhe Rehovë, ku janë evakuar banorët pasi zjarri po përparon drejt shtëpive. Tiranë – Edhe në Tiranë janë evidentuar disa vatra problematike mëngjesin e kësaj të marte në fshatrat Ferraj dhe Zall-Herr, ku gjithashtu flakët po rrezikojnë banesat. Vatrat e tjera në Selitë, Bërzhitë dhe Arbanë po mbahen nën monitorim nga autoritetet. Zjarre aktive ka edhe në bashkitë e Kavajës dhe Rrogozhinës. Shkodër – Ndërsa në veri raportohet një vatër në hyrje të qytetit të Pukës, më problematike situata është në Fushë Arrëz, ku flakët kanë përfshirë një sipërfaqe me pisha, ku është e pamundur ndërhyrja nga toka. Zjarre aktive ka edhe në Dibër, Durrës, Elbasan, Kukës, Korçë dhe Tepelenë. 24 orët e fundit kanë regjistruar 50 vatra zjarri nga veriu në jug, nga të cilat 19 vijojnë të jenë ende aktive. Edhe kjo e martë, sipas emergjencave, paraqet rrezik të lartë për zjarre në të gjitha qarqet dhe shkallë të lartë në Shkodër, Lezhë dhe Elbasan. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/