BOOK DISTRIBUTION AT NAGAR PRATHMIK SHALA-3, NADIYAD

લગ્નના ૪૭ વર્ષ પછી પહેલીવાર, જૂન મહિનામાં ભારત જવાનું થયું. કારણ હતું મારા પત્ની શ્રીમતી રંજન દેસાઈ ની ૭૫મી વર્ષગાંઠ (૧૫ જૂન ૨૦૨૬)ની ઉજવણી માટે. ૧૦૨ ડિગ્રી તાપમાન અને એ.સી વાળી કારમાં પણ બપોર ના ૧૧ થી સાંજના ૫ વાગ્યા સુધી એ. સી. ની કોઈ જ અસર નહીં વર્તાય. નક્કી કર્યું કે ફરી વાર જૂન મહિનામાં ઈન્ડિયા નહિ આવવું. ખેર, ૭૫મી વર્ષગાંઠ ખૂબ જ ધામધૂમથી ઉજવવામાં આવી. ઉજવણીમાં સરપ્રાઈઝ આપવા માટે, બે દિવસ અગાઉ, બે ભત્રીજાઓ સુનીલ અને હેમંત દેસાઈ અને મોટાભાઈ (સ્વ. કનુભાઈ)ના પૌત્ર, મિહિર દેસાઈ પણ અમેરીકા થી આવી પહોંચ્યા. જન્મદિવસની ક્યારેય ઉજવણીમાં ન માનનાર શ્રીમતી રંજન દેસાઈ એ દિવસસમાં ત્રણ વખત બર્થ ડે કેક કાપીને જન્મદિવસની ઉજવણી કરી. ૧૫મી જૂન, સોમવારના દિવસે સવારે ૮ કલાકે, શ્રી જલારામ બાપા વિશ્રામ ગૃહ, કરમસદ માં સર્વ વડીલો ની ઉપસ્થિતિમાં સવારના નાસ્તા સાથે બર્થ ડે કેક કાપી. ત્યારબાદ, સવારે ૧૧:૦૦ કલાકે શ્રી જલારામ તીર્થ, ધર્મજ માં “ ગંગા કાશી “ અને “ ઈશ્વર નિવાસ “ યાત્રાળુ ભવન ની લોકાર્પણ વિધિ સાથે બર્થ ડે કેક કાપીને ઉજવણી કરવામાં આવી. સાથે સાથે બીજા બે યાત્રાળુ ભવન, “ કનુ - લીલા ભવન” અને “ ચંદ્ર - કાન્તા ભવન “ નું ભૂમિપૂજન પણ કર્યું. છેલ્લે સાંજે ૫ કલાકે, વિઠ્ઠલ કન્યા વિદ્યાલય, નડિયાદ, આયોજિત “ ત્રૂણ સ્વીકાર કાર્યક્રમ “ અંતર્ગત, શ્રી દિનેશા પટેલ( પૂર્વ મંત્રીશ્રી, ભારત સરકાર) ની ઉપસ્થિતિમાં પ્રાથમિક શાળાના પુનઃનિર્માણ અર્થે પાયાવિધિ કાર્યક્રમ યોજાયો અને સાથે સાથે બર્થ ડે કેક કાપીને ઉજવણી પણ કરવામાં આવી અને પ્રતિજ્ઞા ચેરિટેબલ ટ્રસ્ટ, નડિયાદ દ્વારા, “ શ્રી કૃષ્ણ લીલા”નૃત્ય નાટિકા યોજાઈ.