A1 Report - Vlorë, familja e adoleshentit të zhdukur: halla di vendndodhjen

VLORE - Familja e Mateo Bejajt, adoleshentit nga fshati fitore i Vlorës, që prej tre vitesh rezulton i zhdukur, gjithnjë e më shumë po i humbet shpresat për gjetjen e tij. Mateo në atë kohë 14 vjec u zhduk pa lënë gjurmë mbrëmjen e 16 korrikut të vitit 2011, ndërsa kërkimet nga ana e policisë dhe banorëve të fshatit rezultuan të kota. Familjaret e tij te zhvendosur së fundmi në qytetin e Vlorës, teksa shtojne së nuk dinë asgjë për fatin e të birit, gishtin e drejtojnë tek halla e tij, më të cilën familja Bejaj ka patur një konflikt pronësie të pazgjidhur. Kërkimet për të riun vijojnë edhe nga interpoli, ndërsa prindërt e Mateos tashmë shpresojnë vetëm në një mrekulli, teksa besimi tek strukturat e shtetit ka shterruar me kohë.