Narın Özündən daha Faydalı NAR SİRKƏSİ

#BirBax #Azerbaycan #nar Narın özü qədər sirkəsi də insan sağlamlığına faydalıdır. Bəli, düz eşitdiniz, Nar sirkəsi. Sümük və əzələ sisteminin inkişafından tutmuş, qocalmaya qədər bir çox problemi nar sirkəsi ilə aradan qaldıra bilərsiniz. Bəs nar sirkəsi nədir? Necə hazırlanır? Videomuzda bunu biləcəksiz. Nar sirkəsi nar dənələrindən hazırlanır. Turşməzə dadıyla həm yeməklərə, həm də salatlara ləzzət qatmaq üçün istifadə edilir. Faydalarına görə, həkimlərin və dietoloqların tövsiyə siyahısında nar sirkəsinin adını tez-tez görmək mümkündür. Vitamin və mineral deposu olan məhsul alma və üzüm sirkəsindən sonra ən populyar sirkədir. Sümük və əzələ sisteminin inkişafına müsbət təsir edən nar sirkəsi antioksidantlarla zəngin tərkibi ilə də seçilir. O, qocalmanı ləngidir və orqanizmi bir çox xəstəlikdən qoruyur. Nar sirkəsi necə hazırlanır? Nar mövsümündə yetişmiş, iri dənəli narlar seçilir, dənələnir. Meyvənin təzəliyi qorunsun deyə, dənələr şüşə qaba tökülsə, daha yaxşı olar. Sonra taxta qaşıqla dənələr əzilir. Əldə edilən nar suyuna su və 1 xörək qaşığı təbii duz əlavə edilir. Şüşə qabın ağzı parça ilə örtülür. Nar sirkəsinin mayalanması üçün təbii alma, yaxud üzüm sirkəsindən istifadə edilə bilər. Şüşə qab qaranlıq yerdə, təxminən, 2 ay saxlanır. Sonra süzgəclə süzülür. Alınan duru sirkə yenidən şüşə qaba qoyulur. Artıq istifadəyə hazırdır. Nar sirkəsinin faydaları nələrdir? -Fenolik maddələrlə zəngin olan nar sirkəsi antioksidant təsirə malikdir. Diabet, ürək-damar sistemi xəstəlikləri, xərçəng kimi bir çox xəstəliyə qarşı orqanizmi qoruyur. -C və V vitaminləri, flavonoidlə zəngin olması səbəbiylə təbii antibiotikdir. Nar sirkəsi arıqladırmı? -Xolesterolu və qanda şəkərin səviyyəsini nizamlayan nar sirkəsi kökəlmənin qarşısını alır. Arıqlamaq istəyənlərin üz tutduqları təbii vasitələrdəndir. Çünki nar sirkəsindəki vitaminlər və minerallar yağ yandırılmasında iştirak edirlər, metabolizmanı sürətləndirirlər. -Əzələ sisteminə müsbət təsiri bir də ondan ibarətdir ki, əzələləri inkişaf etdirir, möhkəmlədir. Əzələ gərildikcə, möhkəmləndikcə orqanizmdə kalori yandırılır. Bu da o deməkdir ki, nar sirkəsi, dolayı yolla olsa da, arıqlamağa kömək edir. Sirkənin qədimdən bəri, bəşəriyyətə məlum olan ən böyük faydası qanda şəkərin səviyyəsini nizamlamaq və insulin müqavimətini azaltmaqdır. Onun insanı uzun müddət tox saxlamaq qabiliyyəti də var. Bundan əlavə, sağlam qidalanma və nizamlı idman ilə paralel qəbul edilən nar sirkəsi arıqlamağı sürətləndirir. Sirkənin tərkibindəki sirkə turşusu mədənin boşalmasını ləngidir. Qanda şəkərin səviyyəsinin qəfil qalxmasına mane olur. Beləliklə, toxluq müddətini uzadır. Bundan əlavə, metabolizmanı sürətləndirmək qabiliyyəti də var. Gördüyünüz kimi, arıqlamaq istəyənlər üçün sirkə əvəzedilməzdir. -Elmi araşdırmalar sübut edib ki, nar sirkəsində yaşıl çaydan daha çox antioksidant var. Bu da sirkəyə imkan verir ki, insan orqanizmini qocalmaqdan qorusun və gümrah saxlasın. Faydasından yararlanmaq üçün nar sirkəsini salatlara və yeməklərə əlavə edə bilərsiniz. -Səhər acqarına 1 stəkan ilıq suya 1 xörək qaşığı nar sirkəsi əlavə edərək içmək də arıqlamağa kömək edir. Lakin burada bir məsələni vurğulamaq istəyirəm. hər gün sirkə qəbul etməyiniz vacib deyil. Həftədə 4 dəfə, hər dəfə 20 qr, yəni 1 xörək qaşığı olmaqla qəbul etmək yetərlidir. Salatlara, şorbalara, hətta soyuq yeməklərə də sirkə əlavə edə bilərsiniz. Aparılan araşdırmalar zamanı aşkar olunub ki, müntəzəm şəkildə rasiona sirkə daxil edənlərin hüceyrələri daha sağlam olur. Yəni xəstə hüceyrələrin sayı azalır və xərçəngin əmələ gəlməsində maneələr yaranır. Sirkə bir turşudur və gün ərzində 1xörək qaşığından artıq istifadəsi xeyirdən çox, zərər verə bilər. Və üstəlik mədənizdə turşuluq çoxdursa, eroziya, qastrit, mədə yanması kimi problemlərdən əziyyət çəkirsinizsə, yaxud mənim kimi həssas bir mədəniz varsa, sirkə qəbul etməyinizi tövsiyyə etmirəm. Nar sirkəsi dəri sağlamlığına da faydalıdır. Kosmetologiyada xammal sayılmasının səbəblərindən biri budur. Qatıldığı yeməklərin faydalılığını artırmasından əlavə, xoş aroması ilə iştah açır. Xüsusilə, göyərtisi bol olan salatlara möhtəşəm dad bəxş edir.