طالبانو دريو ولايتونو کې د "بداخلاقي مخنيوي" لپاره انټرنېټ ته لاسرسی بند کړی - بي بي سي نړۍ دا وخت

طالبانو د افغانستان دريو ولايتونو کې د داسې څه مخنیوي لپاره چې دوی، منکر او بداخلاقي بللې، وایفای انټرنېټ ته لاسرسی بند کړی دی. دا لومړی ځل دی چې پر واګو یې له ولکې راهیسې طالبان دا ډول بنديز لګوي. دې کار سره بلخ کې حکومتي دفترونه، خصوصي سکتور، عامه پوهنيز بنسټونه او کورونه انټرنېټ ته له لاسرسي بې برخې شوي دي. بي بي سي ته ویل شوي چې په کندهار او هلمند کې هم بندیز لګولی شوی. د بلخ ولايت يوه طالب ویاند ويلي، دا ګام یې د خپلې ډلې د مشر ملا هبت الله په امر دې لپاره پورته کړی، چې په وينا یې د بداخلاقيو مخنیوی وکړي. د افغان جمهوري دولت واکمنۍ پر مهال دغه هېواد کې د فايبر اپټېک انټرنېټ تماس پر پراخولو کار شوی، او د ځينو شمېر له مخې له ټولو ۳۴ یې ۲۶ ولايتونه دغه ډول انټرنېټي خدمت سره تړل شوي دي. دا لا روښنه نه ده، بلخ کې به دا بنديز تر کومه پلی کېږي، او دا چې نورو ولايتونو کې به عملي کېږي که څنګه. خو ځينو نورو ولايتونو کې هم د انټرېټ د شلون راپورونه ورکړل شوي دي. #BBCPashto #BBCPashtoTV #BBCNarayDaWakht Subscribe for more videos: https://www.youtube.com/c/BBCPashto?s... Youtube:    / @bbcpashto   Like us on Facebook:   / bbcpashto   Follow us on Twitter:   / bbcpashto   Instagram:   / bbcpashto