Sali Berisha: Ju nuk bëni dot shtet kurrë! Ndaloni kontrabandën! (24 Dhjetor 2002)

Lajme Arkiva 2002 Është ashpërsuar klima politike në parlament pas akuzave që kanë shkëmbyer për përfshirjen në kontrabandë deputetët e pozitës dhe opozitës. Anulimin e votimit për të mos mbyllur dyqanet pa taksa në pikat e kalimit kufitar lideri demokrat Sali Berisha e ka cilësuar kërcënim të parlamentarizmit nga Pëllumbi, Ruçi dhe mbështetësit e tyre. Berisha ftoi socialistët të heqin dorë nga rivotimi i projektit për mbylljen e këtyre dyqaneve të cilat sipas tij ekzistojnë në çdo vend tjetër të botës. Sali Berisha: Ju jeni antishtet! Ju kontrolloni, ju i kapni ata që kontrabandojnë aty! Ju s’jeni shtet. Ça shteti jeni ju. Ju nuk bëni dot shtet kurrë! Pesë dyqane si disiplinoni dot dhe kërkoni ti mbyllim sepse bëhet kontrabanda. Kontrolloni Vlorën! Kontrollni Durrësin! Kontrolloni edhe Velipojën! Kontrollojini të gjitha! Dhe që e keni për inat kundër Anastas Angjelit, person të cilin unë as nuk e kam dashur dhe e them 100 herë do e votoj kundër. Keni parë ju aeroport pa dyqan? Nuk votojm ne kundër tregtisë së lirë ne. Kontrollojini, ndalojini, kontrabandën. Ju shkoni vetë blini pa borden card dhe është i vetmi aeroport që shet pa borden card, e kujt u shet u shet qeveritarëve, pse shkoni të blini atje ju? Ju favorizoni kontrabandën se blini me çmime të lira. Ka replikuar menjëherë socialisti Ruçi i cili ka akuzuar deputetët e opozitës për shfrytëzim të dyqaneve të duty free shop për kontrabandë. Ruçi i ka kujtuar Berishës, persekutimin që i kishte bërë familjarëve të tij në vitet e qeverisjes demokratike. Gramoz Ruçi: Por dua të besoj se meqë deputetët e mazhorancës votojnë 100% edhe nominalisht edhe në mënyrë të hapur pro mbylljes së tyre, kurse deputetët e opozitës e kundërshtojnë atë, atëherë më lejoni që për herë të parë të deklarojë që ky evazion fiskal dhe ky tropolino për të bërë kontrabandë me korrupsion, deputetët e opozitës kanë interesa të drejtpërdrejta me këto dyqane. Bravo u qoftë, që keni kompromentuar edhe ministrat tanë që u ju kanë dhënë këto licenca, por faturën morale dhe politike, zoti Berisha si kryetar i opozitës duhet ta mbani hapur dhe prerë para opinionit politik. Ndërsa Berisha ka kërkuar sërish fjalën situata në parlament është tensionuar. Në prag të vitit të ri deputetët kanë menduar edhe për rritjen e shpenzimeve që u paguan shteti për tarifat e celularëve, karburantit dhe biletat e klasit të parë të udhëtimeve me avion./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/