شيلة أعرف انك ما تصدق . لشاعر عيسى حسين الفيفي

أعرف انك ماتصدق بس والله فوق والله.. والله انه راح مني نصف عمري في غيابك.. واعرف أني شلت همي تاركن حبي على الله.. كـني أبعد من نجوم الليل وأقرب من ثيابك.. ياعساك وياعساني وياعسانا وياعسى الله! ياعسى الدنيا تموت وما يعيش إلا ترابك.. يا أحبك واعشقك واهواك.. وإلا يفتح الله.. ماتعودت افتخر باحساسي إلا (تحت بابك) ايه أحبك والقضيه واضحه والشاهد الله.. يطرد المظلوم خصمه.. وأنت خصمي ياهلا بك.. ياهلا بك يوم تجرح خافقي ويسامح الله.. ياهلا بك يوم تلحق غيمتي! والحق سرابك..! جابك الله في حياتي ياحياتي جابك الله.. ليش؟مدري. وين؟مدري. كيف؟ مدري. بس جابك.. كل ماقلت ابتدينا في المحبه قلت ياالله.. مادريت إن النهايه بين بعدك واقترابك.. إنظلمت ولا شكيت.. ولاتركت الأمر لله.. كان همي أنتظر باقي عذابك في عذابك.. الله الله إنتبه.. واحذر.. وفكر والله الله.. مثل ما أحسب حسابي في هواك أحسب حسابك.. ماطلبت المستحيل ولا رجيتك شي لله! ما طلبتك أرتفع من حجرتي واسكن سحابك.. يصرخ القلب المعذب ياالمعذب (وكل الله).. شاب حبك في عيوني وانت توك في شبابك.. رحت شي.. وجيت شي "مختلف" ياحسبك الله.. تصدق إني مابغيت اجلس مع حضرة جنابك.. غير (ذاك الزمان) ويازماني منك لله.. ليش ماغيرت فيني شي يوم إني أهابك.. ليش ماعلمتهم عن قصتي وتوحد الله.. يعرفون انك سؤال ويعرفون اني جوابك.. ويعرفون اني حلفت ولا اعرف أغلى من الله.. والله انه راح مني نصف عمري في غيابك..    • أعرف انك ما تصدق.mp4   ✌من كلمات شاعر فيفاء عيسى حسين الفيفي ✌ ’’’’’,,,,,,,,’’’’’’