Jirayr Shahrimanyan - Four songs after Vahan Teryan (2024)

Manush Harutyunyan - mezzo-soprano Jirayr Shahrimanyan - piano Recorded in the concert hall of the Composers Union of Armenia Ruben Osipov - Sound engineer 03.06.2026 Lyrics in original Armenian: Հոգնածություն Ես մի ճամփորդ եմ մթնում մոլորված, Ու հոգնած սիրտըս դարձել է խոնարհ. Չեմ ուզում կանչել ցնորքըս մեռած, Երազել գալիք օրերի համար։ Ես չար հոսանքով մղված եմ հեռուն, Եվ անվերադարձ փակված է ուղին. Մի որբ մանուկ է հոգիս մոլորուն, Մատնված մութին և մառախուղին։ Մի անմայր մանուկ, հեկեկանքներից Հոգնած ու բեկված — ննջել է ուզում. Մի՛ վրդովեք դուք, մի՛ տանջեք նորից, Մի՛ տանջեք նորից — հանգչել է ուզում... * * Կրկին եկար, անուշ գարուն,— Նեղ փողոցիս ծառին վտիտ Բերիր քնքուշ ծիլ ու ժըպիտ Եվ շողացիր անսիրտ քարում. Եվ մատներով նուրբ որպես հուշ Թմրած ու թույլ սրտիս դիպար, Հողմով տարար ամպը կապար, Լազուր ու լուրթ գարուն անուշ։ Նոր կարոտով դեպի հեռուն Կանչում ես ինձ ու կախարդում, Քաղցր է դողում սիրտըս տրտում, Ուր ես կանչում, անուշ գարուն * * Արեգակը հուր ոսկի է մաղում Արտերիս մաքուր ոսկեծովի մեջ. — Սի՛րտ, արտերիս պես եղիր միշտ բեղուն, Արևի նըման հրահրիր անշեջ... Եվ որպես վճիտ լճերն են ցոլում Ցրտում աշնային — մշուշների տակ, — Դո՛ւ էլ, սի՛րտ, մընա հարության գալուն Տրտմությամբ անչար, և՛ խոր, և՛ հստակ... Կանցնեն հուշերըդ — մշուշների պես, Կըգա խնդություն — խոր ու անարատ, Կըցրե մեգն ու կըզարդարե քեզ — Որպես երկիրն իմ — արեգակն առատ... * * Պայծառ են աստղերը Աստղերը շողուն են, Սրտում իմ ըստվեր է, Խավար է հոգում իմ։ Ուղին իմ խոտոր է Ու միշտ ես մեկին եմ, Տրտում ու մոլոր է, Մոլոր է հոգին իմ