Ilir Meta siguron emigrantët shqiptarë se do të pajisen me pasaporta të reja (6 Dhjetor 2002)

Lajme Arkiva 2002 Zëvendës kryeministri Ilir Meta ka siguruar të gjithë emigrantët shqiptarë se do të pajisen me pasaporta të reja brenda një kohe të shkurtër. Reagimi i ministrit të Punëve të Jashtme të Shqipërisë, ka ardhur pasi para ambasadës shqiptare në Greqi janë vënë re radhë të gjatë të emigrantëve që duhet të plotësojnë formularin për marrjen e një pasaporte të re. Në një intervistë për Agjencinë Telegrafike shqiptare zoti Ilir Meta ka garantuar se për emigrantët nuk do të ketë asnjë problem edhe për ata që kanë pasaporta të tipit të vjetër pasi atyre do tu shtyhet afati i vlefshmërisë deri sa të gjithë të marrin pasaportat e reja. Ndërkohë ministria e Punëve të Jashtme ka dërguar sasinë e duhur të formularëve në përfaqësi diplomatike ku janë vendosur më shumë shqiptarët, kryesisht në Greqi dhe në Itali. Po ashtu në këto vende ku pritet të ketë ngarkesë të madhe pune zoti Meta tha se janë marrë masa për të dërguar personel shtesë për të përballuar përpunimin e kërkesave për pasaporta. Meta garanton që procedurat mundësojnë që pavarësisht nga mënyra se si do të aplikojnë qytetarët tanë jashtë pasaportat jepen brenda afatit tre mujor. Sipas ministrit të Jashtëm prioritet në pajisjen e pasaportave të reja do të kenë të gjithë shtetasit emigrant që momentalisht nuk kanë pasaporta dhe fëmijët që deri më tani janë pajisur me leje kalimi që do të dalin nga qarkullimi ose janë hedhur në pasaportat e prindërve. Sipas ministrit të Punëve të Jashtme Ilir Meta nuk vend për asnjëlloj konfuzioni apo paniku te shtetasit tonë jashtë vendit pasi ata nuk do të jenë për asnjë ditë të paligjshëm për shkak të dokumentit të identitetit./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/