YANGA SC 4-0 TUKUYU STARS; FULL HIGHLIGHTS & INTERVIEWS (ASFC - 24/12/2018)

Yanga SC imepata ushindi wa mabao 4-0 dhidi ya Tukuyu Stars kutoka Mbeya katika mchezo wa Kombe la Shirikisho la Azam Sports (ASFC), katika mchezo uliopigwa kwenye Dimba la Taifa Jijini Dar es Salaam. Yanga ambao wametawala zaidi mchezo, wamepata mabao yao kupitia kwa Amissi Tambwe aliyefunga matatu (Hat-Trick), dakika ya 14, 36 na 55 huku bao la nne likifungwa dakika ya 80 na Heritier Makambo. Matokeo hayo yanaivusha Yanga kuingia hatua ya 32 bora huku Tukuyu Stars ikifungasha virago. Katika mchezo mwingine uliopigwa leo kwenye Uwanja wa Samora mjini Iringa, Pamba SC ya Jijini Mwanza imewachapa wenyeji Mtwivila City mabao 4-1 na kuungana na Yanga pamoja na timu nyingine 27 katika hatua ya 32 bora.