“Barselona”nın Bakıda akademiyası açılır | "ASK Arena"da hansı şərait yaradılacaq?

“Barselona”nın Bakıda akademiyası açılır | "ASK Arena"da hansı şərait yaradılacaq? İyulun 9-dan “ASK Arena” futbol stadionunda yenidənqurma işlərinə start veriləcək. “AzFar” şirkətinin nümayəndəsi Şövqi Babayevin sözlərinə görə, işlər “Barselona” futbol klubunun uşaq futbol məktəbinin ölkəmizdə planlaşdırılmış açılışı çərçivəsində həyata keçirilir: “Sahəsi təxminən 9500 kvadratmetr olan əsas meydançanın, eləcə də sahəsi təxminən 4200 kvadratmetr olan yardımçı məşq meydançasının bərpası və yeni qazon örtüyünün quraşdırılması “AzFar” şirkəti tərəfindən icra olunacaq”. Layihə çərçivəsində futbol meydançalarının işıqlandırılması üçün nəzərdə tutulmuş lampaların müasir tələblərə uyğun şəkildə yenilənməsi nəzərdə tutulur. İdmançılar və klub heyəti üçün nəzərdə tutulmuş soyunub-geyinmə otaqlarının, sanitar qovşaqlarının, texniki və yardımçı otaqların əsaslı təmiri və qeyd olunan otaqların yerləşdiyi inzibati sahədə havalandırma və kondisionerləşdirmə sistemlərinin qurulması reallaşdırılacaq. Qeyd edək ki, Prezident İlham Əliyev martın 1-də “Barselona”nın prezidenti Xuan Laporta ilə görüşüb. Görüşdə Azərbaycanda “Barselona” Futbol Akademiyasının yaradılması ilə bağlı sənədin imzalanacağı bildirilib. Martın 31-də isə Kataloniya təmsilçisinin rəsmiləri Bakıya səfər ediblər və “ASK Arena”ya baxış keçiriblər. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv “Barselona”nın Bakıda akademiyası açılır | "ASK Arena"da hansı şərait yaradılacaq? 2025 © All Rights Reserved ℗ "Baku TV" LLC ™ #bakutv #barcelona #askarena