علاقة حساسيه الجلفانو بعزم الملف الزنبركي وثابت إللي

ملاحظات هامه جدا أولا.... مفهوم اشارة قانون هوك T = - K θ في قانون هوك K معني ان ثابت اللي كبير يعني الملف ده محتاج عزم كبير عشان اقدر الففه والعكس ايضا ، انما وجود الاشاره معناها هنا ان لما اأثر علي الملف الزنبركي (السوسته) بعزم في اتجاه معين هو بيرد عليا بعزم معاكس في الاتجاه الاخر وعشان كده تم وضع الاشاره السالبه ثانيا..... آخر نقطه الخاصه بكثرة الاستعمال.... انا قولت إن الحساسيه تزيد وده بسبب التعليل إللي أنا وضحته ولكن كده الجلفانو أصبح مش جاهز للقياس لأن قرائته خاطئه فلابد إني أعيد معايرته... ولكن الناس متشغلش دماغها بالنقطه دي اووي... المهم التعليل الخاص بالنقطه دي وهو ده أهم نقطه في الموضوع كله ثالثا..... مفهوم معامل المرونه مش هو ثابت إللي.. معامل المرونه ده بيعبر عن تعامل الملف الزنبركي لما اشيل من عليه الاجهاد يعني هيرجع لاصله ولا لا... فيه مواد معينه مرونتها بتبقي قليله زي الالومنيوم فعند قوه معينه مش بيرجع لاصله علي عكس الصلب مثلا... فثابت إللي بيوصف حالة الملف أو الملف بيجابهني ازاي وأنا بأثر يعزم عليه.. و معامل المرونه بيعبر عن حالة الملف بعد ما اشيل من عليه الاجهاد أو الازدواج المؤثر