أرعب مدينة كاملة لحد ما أرتكب خطأ فادح اتسبب في كشفه!

في أواخر سنة 2017، مدينة هادئة في ولاية فلوريدا الأمريكية اتحولت فجأة لكابوس حقيقي. خلال 51 يوم بس، أربعة أشخاص اتقتلوا بالرصاص في ظروف غامضة، من غير أي علاقة تربط بينهم، ومن غير أي دافع واضح. كل جريمة كانت بتزود الرعب، وكل يوم كان السكان بيسألوا نفس السؤال… مين هيكون الضحية الجاية؟ الشرطة استنفرت بكل قوتها، وانتشرت الدوريات في كل مكان، واتراجعت مئات الساعات من كاميرات المراقبة، لكن القاتل كان سابقهم بخطوة في كل مرة. كل اللي كان عندهم مجرد شخص غامض بيتحرك في الظلام… من غير ما يسيب وراه أي دليل يقود ليه