| جذعان نجد | حفل زواج : صنهات بن محمد بن صنهات الجذع كلمات 📝 : مطرب بن دحيم اداء 🎙️ : خالد ال بريك

يادحيم حط الحطب فالنار برد وجليد النار يبغالها شباب نارٍ قوي ‘ الحق مشاهيبها وتقول هل من مزيد وان راح ثلثين عود جمرها مجثوي . ' الليله المقاف اكبر من بيوت القصيد وانا حموي ياسمي العود وانت حموي .. ' بنعيد ماصار في رستم وعبدالحميد يوم ان الاتراك مالو والجيوش ( سروي ) ' حمر الطرابيش جيناهم بـ باسٍ شديد باسٍ يخلي سراحين الجبال تعوي جذعان نجد الدهاه منزحين الضديد على شفا نجد الانجد نزحوه ضحوي . ' الاد عساف: لاشاف العنيد ( العنيد ) كم فارسٍ من على بنت الحصان يهوي ' ينحون عوج الصفوف ملينين الحديد عن ديرة في طرفها للطروش رعوي . ' وقت المناويخ : للجذعان مجداً تليد مجداً يخلد مع ابن سعود وابن جلوي ' يابو رديني ( يشع ) النور والا ( يهيد ) مجدك وشمس النهار الشارقه من ذوي ' يامرحبا بالقريب ، ومرحبا بالبعيد تقولها لين صار الها وحيف ودوي ' عوايدٍ من على الجدان صارت رصيد ومضايفٍ لو يجاريها الكريم يغوي . منصا الرفاقه ، ومزبن كل علمٍ حميد وعدٍ ليا جاه ضامي يشرب ويرتوي . ' صنهات لانشبت الكلمه بحبل الوريد تقدّم الربع ، عودٍ بالكلام ( رهوي ) ' ذكره تبيد الجبال الشامخه مايبيد واكبر مصيبه تجيه وتصغر وتستوي ' وعياله اهل الثنا واهل الحزام الجويد مافيهم اللي عن فعول الكريم نحوي . '' واليوم ، جدد سمي العود علمً جديد مابين الاثنين ، ساسه والمقام ( علوي ) ' بناخي اللي مع الجذعان فعله (فريد ) على الاكاوين زبن الجاذيه ( منتوي ) ' حما قصيره مع السته بفعلٍ ( مجيد ) والاجنبي علق اماله بمجدٍ ( قوي ) ' العلم ماهوب ياصنهات بيت القصيد الفعل بيت القصيد الفارق النخبوي ' ومعرب الاصل يذهن به فواد البليد والدرب سيده ، ماهوب اعوج ولا ملتوي '