Ra'iisul Wasaare Xamsa: Soomaaliya Waxay Aadey Doorasho Qof iyo Cod ah

Ra’iisul Wasaaraha Jamhuuriyadda Federaalka Soomaaliya, Xamsa Cabdi Barre, ayaa sheegay in dalka uusan dib ugu laaban doonin nidaamka doorashooyinka dadban, isagoo caddeeyay in Soomaaliya ay u jihaysatay doorasho qof iyo cod ah. Isagoo ka hadlayay munaasabadda caleema-saarka Hoggaamiyaha Dowlad Goboleedka Koonfur Galbeed, Ra’iisul Wasaaraha ayaa fariin u diray siyaasiyiinta weli taageersan doorashooyinka dadban, isagoo xusay in shacabka Soomaaliyeed ay doorteen hannaan dimuqraadi ah oo qof iyo cod ku dhisan. Sidoo kale, Ra’iisul Wasaare Xamsa Cabdi Barre ayaa sheegay in Soomaaliya ay ka gudubtay marxaladdii jabhadaha, isagoo ugu baaqay dhammaan dhinacyada inay qaataan nabadda, wada-hadallada iyo midnimada si loo xoojiyo dowladnimada iyo xasilloonida dalka. 📌 La soco wararkii ugu dambeeyay ee Soomaaliya, siyaasadda, amniga iyo horumarka dalka. #XamsaCabdiBarre #Soomaaliya #DoorashoQofIyoCod #KoonfurGalbeed #Siyaasadda #WararkaSoomaaliya #SomaliaNews #DFS #Nabadda #Doorashooyinka