Klan News - Porositi 2 herë vrasjen e një personi, arrestohet Albert Pashaj

Forcat speciale të policisë kanë arrestuar Albert Pashajn, i cili dyshohet se ka porositur vrasjen e Aredin Behari. Këtij të fundit i janë bërë dy herë atentate, në 2017 dhe 2019 në Fier, por autorët nuk kanë mundur ta ekzekutojnë. Në njoftimin zyrtar, SPAK thotë se Pashaj pajtoi Enrik Hoxhajn për të kryer krimin. Ky i fundit kontaktoi mikun e tij Skerdi Tasen, për të kryer së bashku atentatin. Vrasje do kryhej kundrejt pagesës. Ata kanë siguruar armën e krimit dhe për disa ditë kanë vëzhguar objektivin. U përcaktua që vrasjen do e kryente Skerdi Tase. Më 5 nëntor të 2017 ai qëlloi ndaj Aredin Beharit, i cili pikasi autorin dhe u shtri përtokë. Porositësi Albert Pashaj nuk e la me kaq. Ai rriti pagesën në 80 mijë euro për vrasjen e Beharit. Në këtë rast, duke qenë se Tase dështoi herën e parë, ekzekutor u vendos të ishte Hoxhaj. Më datë 3 Prill të 2019-s, pasi qëlloi një herë në drejtim të Beharit, arma kallashnikov u bllokua, thuhet në njoftimin e SPAK. Burime për Klan News thonë se konflikti mes Albert Pashajt dhe Aredin Beharit kishte lindur pas prishjes së pazareve të drogës. I arrestuari Albert Pashaj do të hetohet nga SPAK nën akuzën “Vrasje me paramendim”. Henrik Hoxhaj dhe Skerdi Tase janë të arrestuar në kuadër të operacionit “Plumbi i Artë”. I penduari i drejtësisë Hoxhaj ka zbardhur disa krime të rënda të ndodhur në bashkëpunim me mikun e tij Nuredin Dumanit. Ndërsa Skerdi Tase u arrestua pasi dyshohet se u porosit nga Suel Çela për të vrarë biznesmenin Lulzim Masha. Ai u qëllua disa herë me 18 janar 2022, por mundi të shpëtojë atentatit. Klan NewsSUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan