सुधारणा केली तरच विजय शक्य

कागदावर बघताना मालिका १-१ बरोबरीत दिसत आहे म्हणजेच दोनही संघांनी एका सामन्यात अपेक्षित कामगिरी केली आहे. तिसरा निर्णायक सामना जिंकायचा झाल्यास भारतीय संघाला गोलंदाजी आणि फलंदाजी दोनही क्षेत्रात लक्षणीय सुधारणा करावी लागणार आहे. एकीकडे भन्नाट फलंदाजी करणाऱ्या ज्यो रुटला रोखण्याचे आव्हान आहे तर दुसरीकडे फलंदाजीत किमान एक मोठी भागीदारी रचणे तसेच मधल्या षटकांच्या सत्रात फलंदाजांना बाद करण्याची शक्कल शोधावी लागणार आहे. भारतीय क्रिकेट नियामक मंडळाने जरी विधान दिलेले असले तरी रविवारचा सामना हा रोहित शर्माचा अखेरचा सामना ठरायची शक्यता पूर्णपणे मिटलेली नाही.