“Zangori olov” bolalar oromgohi farzandlaringizni mehmondo‘stlik bilan kutib olishga tayyor

Yozgi ta’til – bu farzandlaringiz uchun yil davomida yig‘ilgan charchoqdan xalos bo‘lish, yangi do‘stlar orttirish, ijodiy va jismoniy rivojlanish davridir. Aynan shunday maroqli va xavfsiz dam olish imkonini yaratish maqsadida “Hududgazta’minot” AJ tasarrufidagi, Forish tog‘ etagida joylashgan “Zangori olov” bolalar oromgohi farzandlaringizni mehmondo‘stlik bilan kutib olishga tayyor. Yoshi 7 dan 14 gacha bo‘lgan bolalar uchun mo‘ljallangan Oromgohda aynan maktab yoshidagi bolalarning ehtiyoj va qiziqishlari inobatga olingan. Bu yerda 7–14 yoshdagi farzandlaringiz nafaqat hordiq chiqarishadi, balki turli madaniy, sport va ma’naviy-ma’rifiy tadbirlarda faol qatnashishlari mumkin. “Zangori olov” bolalar oromgohi Forish tumanining toza havo, sokinlik va tabiiy go‘zallik hukmron bo‘lgan hududida joylashgan. Bu joyning ekologik tozaligi bolalar sog‘lig‘i uchun juda foydali bo‘lib, ularning immunitetini mustahkamlashga xizmat qiladi.