Şəhidin səsi - Şəhid polis Seyfi Abdullayevin əziz xatirəsinə həsr olunacaq

Abdullayev Seyfi Fəqan oğlu 22 sentyabr 1994-cü ildə Bakı şəhərinin Sabunçu rayonunda anadan olmuşdur. Orta təhsilini Bakı şəhəri 148 nömrəli tam orta məktəbdə almışdır. 2012-ci ildə orta məktəbi bitirdikdən sonra, 2013-cü ilin oktyabr ayında hərbi xidmətə yollanmışdır. Hacıqabul və Naxçıvan Muxtar Respublikasında Daxili Qoşunların N saylı hərbi hissəsində xidmət etmiş, 2015-ci ilin aprel ayında hərbi xidmətini başa vurmuşdur. Daha sonra müxtəlif sahələrdə çalışmış, 2019-cu ilin yanvar ayında Azərbaycan Respublikası Daxili İşlər Nazirliyinin Əlahiddə Çevik Polis Alayının Xüsusi Təyinatlı taborunda polis nəfəri kimi xidmətə başlamışdır. Sonralar polis serjantı olaraq Daxili İşlər Nazirliyində fəaliyyətini davam etdirmişdir. 19 sentyabr 2023-cü ildə Xocavənd rayonunun Tağaverd kəndində keçirilən lokal antiterror tədbirləri zamanı ermənilərin mina terroru nəticəsində şəhidlik zirvəsinə ucalmışdır. Şəhid Seyfi Abdullayev Şamaxı rayonunun Qaleybuğurd kənd qəbiristanlığında dəfn olunmuşdur. Azərbaycan Respublikasının ərazi bütövlüyünün qorunması uğrunda göstərdiyi yüksək peşəkarlıq, şücaət və mərdliyə görə Azərbaycan Respublikasının Prezidenti cənab İlham Əliyevin sərəncamı ilə ölümündən sonra “Vətən uğrunda” medalı ilə təltif edilmişdir. Allah rəhmət eləsin, məkanı cənnət olsun! 🇦🇿 #SeyfiAbdullayev #Şəhid #VətənUğrunda #Azərbaycan #Qəhrəman #Antiterror #Xocavənd #Tağaverd #DİN #XüsusiTəyinatlı #Şamaxı #Qaleybuğurd #AllahRəhmətEləsin