حر جوف ودمع عين - وين الدروب الي تنسيني وجيه الراحلين | خالد ال بريك | بطيء + مميز

الكلمات : في ليلتن فيها من الوحشه وذكرى الغايبين ماكن فوق الارض احد غيري بيملا عينها عنوانها بذ الخفا والوجد واسراب الحنين والضيقه اللي من ثلاث سنين في روتينها من طولها م عندي الا …. حر جوف ودمع عين متى الصباح اللي يجي من بيني ومن بينها تعرض شريط الذاكره .. وترد ماضيت السنين ليت السنين اللي مضت تردني لسنينها اونس ب صدري صلو نارٍ تشتعل في كل حين حذف الشلايخ وسطها ويسارها ويمينها مثل الدريك اللي حياته بين هم وبين دين ذوقته الدنيا مرارتها وسود سنينها وين الدروب اللي تنسيني وجيه الراحلين تعبت ادورها وادورها ولاادري وينها تعبت من كلمة [ تزين ] وزين…عيت لاتزين وان كان عيت لاتزين [ ف ملعنت جدينها ] تنطحني الدنيا واناطحها بعزم مايلين هذا وانا عداد عمري [ م نصف عشرينها ] معاد اميز بين جوالضحك والجو الحزين دوامتٍ مانيب افرق زينها من شينها المجتمع] ثلثينه الحمقى هم [المتصدرين ] المجتمع في غفله وعاداتهم مخطينها … م عاد نستغرب من الدنيا تسوي حاجتين تطلق مجننها على العالم بدل صاحينها ديني ودين مدور [ الاعلام ]والمستصغرين شكليتٍ [ خشم الريال يجيبها ويهينها ] يالله دخيلك لاتعرضنا دروب الشامتين اللي ركايبهم على خلق الله معنينها ماهوب مسلم واحدن ياكل ظهور المسلمين نفسه على لحوم العباد يحثها ويعينها تدري يابو وجهين نقدر نشتريك ب درهمين لاكن وجهينك تشرها على شارينها ف وجيهنا ماتقدر تركب لو انه كلمتين ينشب لسانك دوب تنطقها على حرفينها حنا نحب الطيب ونقدر وجيه الطيبين نحرص على رفقتهم ونحرص على تامينها شروا ولد عامر صليب الراس والجمب المتين تخضع له مدوح العرب وتصافحه بيمينها اسمك يابو عامر يحل عقود ويحرر سجين حيّك وحي الفزعه اللي تنعرف في حينها ياكثر ناسٍ من ورا مدت يمينه مغتنين من مدة يمينه ….[ يمانيهم تمد يمينها ] فرق عن اللي حول جيله ب الكلام وب اليمين من شبته سوا سواياً ماهم مسوينها فعله تعلابه وعداه الجدي والفرقدين وكبود عدوانه يقلبها على جمبينها هداج نهد معرب الجدان والحصن الحصين صدوف بقعا عنده دواها وكسرت عينها راسك ياخو عبدالله اللي يجعل القاسي يلين ماقول غير الله يمهلك بطول سنينها خلاصة الموضوع بعلمك ب العلم اليقين من يحتزم بك حط وامرها على منهينها خذ ياولد عامر من التمجيد والمدح الثمين قصيدتن في مدحك توقف على رجلينها