YARARSIZ BİRİNİ ƏSGƏR APARIRLAR? | Səhhətində Problemi Olan Gəncə Çağırış Gəldi | Barometr TV

Barometr TV-nin qaynar xəttinə bu dəfə Quba rayonu sakini Mirəli Cabbarovun valideynləri müraciət ediblər. Ailənin vəkilinin sözlərinə görə, Mirəli Cabbarovun səhhətində problemlər olmasına baxmayaraq, o, hərbi xidmətə yararlı hesab edilərək çağırışa cəlb olunub. Valideynlər övladlarının sağlamlıq vəziyyətinin xidmət zamanı daha da ağırlaşacağından narahat olduqlarını bildirirlər. Məsələ ilə bağlı Səfərbərlik və Hərbi Xidmətə Çağırış üzrə Dövlət Xidməti ilə əlaqə saxladıq. Qurumdan bildirildi ki, vətəndaş məsələ ilə bağlı əyani və ya elektron qaydada müraciət etməlidir. Sorğu ünvanladığımız Dövlət Tibbi-Sosial Ekspertiza və Reabilitasiya Agentliyi isə açıqlamasında qeyd edib ki, Mirəli Cabbarov 2025-ci ildə iki dəfə əyani müayinədən keçirilib və hər iki halda ona 3 aylıq möhlət verilib. Agentliyin məlumatına görə, 7 may 2026-cı il tarixində aparılan son müayinənin, həmçinin Milli Hematologiya və Transfuziologiya Mərkəzində aparılmış laborator analizlərin nəticələri əsasında onun mövcud diaqnozunun qanunvericiliyə əsasən hərbi xidmətə yararsız hesab edilməsi və ya növbəti möhlətin verilməsi üçün əsas yaratmadığı müəyyən olunub. Qeyd edək ki, Mirəli Cabbarovun yaxın günlərdə hərbi xidmətə yola düşəcəyi bildirilir. Valideynləri isə övladlarının sağlamlıq vəziyyəti ilə bağlı narahat olduqlarını ifadə edirlər. Biz BAROMETR.TV komandası olaraq cəmiyyətdə baş verən hadisələr, vətəndaşları narahat edən məsələlər və problemləri işıqlandırmaq üçün gecə-gündüz xidmətinizdəyik. Rəsmi saytımız: https://barometr.tv Bizi sosial şəbəkələrdə izləyin: Telegram: https://t.me/barometrtv İnstagram:   / barometr_tv   TikTok: https://www.tiktok.com/@barometrtv?_t... YARARSIZ BİRİNİ ƏSGƏR APARIRLAR? | Səhhətində Problemi Olan Gəncə Çağırış Gəldi | Barometr TV #BarometrTV #Quba #HərbiXidmət #Səfərbərlik #Çağırışçı #Şikayət Müəllif hüquqları qorunur ©