@sohail5782 @elliottmorgah3663 @FGAMorgah

🚨مورگاہ نیو روڈ پر عوام کی جانیں خطرے میں!🚨 مورگاہ نیو روڈ کے ساتھ موجود گہری کھائی عرصہ دراز سے حادثات کا سبب بن رہی ہے۔ افسوس کی بات یہ ہے کہ نئی سڑک تعمیر ہونے کے باوجود اس کے کنارے حفاظتی دیوار، گارڈ ریل یا کسی قسم کے حفاظتی انتظامات نہیں کیے گئے، جس کی وجہ سے آئے روز کوئی نہ کوئی حادثہ رونما ہو رہا ہے۔آج بھی ہمارا ایک بھائی اسی خطرناک مقام پر حادثے کا شکار ہو گیا، جس کے نتیجے میں وہ شدید زخمی ہو گیا جبکہ اس کی گاڑی مکمل طور پر تباہ ہو گئی۔ یہ کوئی پہلا واقعہ نہیں بلکہ متعدد حادثات پہلے بھی پیش آ چکے ہیں، مگر متعلقہ اداروں کی خاموشی لمحۂ فکریہ ہے۔ ہم انتظامیہ، محکمہ ہائی وے اور متعلقہ حکام سے پُرزور مطالبہ کرتے ہیں کہ فوری طور پر اس مقام پر حفاظتی دیوار، گارڈ ریل اور وارننگ سائن بورڈز نصب کیے جائیں تاکہ مزید قیمتی جانوں کو ضائع ہونے سے بچایا جا سکے۔"حادثات اچانک نہیں ہوتے، اکثر غفلت اُنہیں جنم دیتی ہے۔" خدارا عوام کی جانوں کے تحفظ کے لیے فوری اقدامات کیے جائیں۔ اللہ تعالیٰ ہمارے بھائی کو جلد مکمل صحت عطا فرمائے۔ آمین۔ 🤲🏻