ლეღვანის მოსახლეობა და ბორჯომ-ხარაგაული ეროვნული პარკი.

გერმანიის მთავრობის დახმარებით (გრანტი 20 მილიონი მარკა) და საქართველოს ბუნების დაცვის მსოფლიო ფონდის (WWF Georgia) თაოსნობით 1995 წელს საფუძველი ჩაეყარა საქართველოში პირველ ეროვნულ პარკს. ბორჯომ-ხარაგაულის ეროვნული პარკი მდებარეობს კავკასიის ეკორეგიონის ცენტრალურ ნაწილში. გამორჩეული ბიომრავალფეროვნების და მოწყვლადობის გამო ეკორეგიონი შესულია ბუნების დაცვის მსოფლიო ფონდის 35 უპირატესი ეკორეგიონის და საერთაშორისო კონსერვაციის 34 ცხელი წერტილის ნუსხაში. დაცული ტერიტორიები განლაგებულია ორი ასეთი ცხელი წერტილის (კავკასიისა და ანატოლიის) ზღვარზე. უფრო მეტიც, კავკასიის ეკორეგიონული კონსერვაციის გეგმის მიხედვით, დაცული ტერიტორიები მოიცავენ კავკასიის ეკორეგიონს 56 უპირატესი არეალიდან ერთ-ერთის (№27) მნიშვნელოვან ნაწილს. ეროვნული პარკის ჩამოყალიბებას აქტიურად ეწინააღმდეგებოდა ადგილობრივი მოსახლეობა, რომელიც წაქეზებული იყო ადგილობრივი ხელისუფლებების მიერ, რომლებიც აქტიურად იყენებდნენ ტყის რესურსებს და ბრაკონიერობდნენ. დღეს ბ-ხ ერ. პარკი ერთერთი უდიდესია ევროპაში და უნიკალური ბიომრავალფეროვნებით გამოირჩევა.