BONA NI PASU - PASU

Olat ni na marurat parngoluanon, Amang... Huida nungnga marnepnep dagingmu na gabe abingan i Tarsongon hau na bolon di tonga ni harangan Holan asa dapot parlinggoman gellengmi sian hagolapon Sian holongmu na ias, Inang... Mudarmi do na marorot, gabe mual di ngolukku Na manetekkon ilu dohot tangiang na gomos Holan asa dapot hami dalan na tiur Lao ma-molus parngoluon na ra-is Tung sura pe hugonggom sere nang mutiha di portibi on dang tarasam arga ni lojam na buni di ate-ate Hundul ma ho, hu pasong-gop ma ulu ni tondikki di adopam-mu Gabe sulu ma holongmi di pardalananku Mauliate ma Amang, mauliate ma Inang... Bona ni pasu-pasu di ngolukki Molo lam rab-bon parnida an mu, hubahen ma simalolongku mandulo lakkam Molo lam gopas simanjojakmi, hulehon ma gogokki gabe tungkotmu Rohangki nian amang, inang... Dang loasakku hamu marsak... Di hatuaon muna on... Tiop ma tangakku, Amang... Inang... Hupasahat ma dirikku lao pasonang rohamu Ganjang ma umurmu, marparbue las ni roha... Bona ni pasu-pasu... O... Amang... Inang...