Rikonstruktohet Kisha 500-vjeçare e Shën Kollit në fshatin Selçan të Elbasanit

Lajme arkiva 2005 Instituti i Monumenteve të Kulturës ka rikonstruktuar Kishën e Shën Kollit në fshatin Selçan të Elbasanit brenda së cilës ndodhen afresket dhe ikonat murale të piktorit më të madh mesjetar shqiptar Onufrit. Por teknika e lartë dhe ngjyrat e përdorura të afreskeve dhe ikonave e kanë bërë të pamundur deri tani rikonstruksionin e plotë të tyre. Kisha e Shën Kollit kishte pësuar dëmtime serioze dhe çarjet e mureve e për pasojë ishin dëmtuar dhe ikonat murale të gjeniut mesjetar. Specialistët kanë rikonstruktuar çatinë dhe dhe një pjesë të mureve të kishës 500-vjeçare, por e kanë patur të pamundur të riparojnë ikonat murale të Onufrit të cilat shquhen për teknikën e lartë dhe ngjyrat e paarritshme. Për t’ju afruar sa më shumë origjinalit specialistët kanë marrë kampione nga muret dhe ikonat dhe po punojnë për përcaktimin e bojës që mund të përdoret në të ardhmen. Kokat e shenjtorëve dhe një pjesë e ikonostasit u dëmtuan gjatë revolucionit kulturor që u ndërmor në vitet ’60. Që nga ajo kohë askush nuk ka guxuar të riparojë piktura pasi teknika e artit bizantin të Onufrit është e paarritshme. Kjo kishë është shpallur monument kulture dhe me urdhër të posaçëm nuk lejohet që muret e saj të ekspozohen në dritë apo blice fotografik. /tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/