Irena Myzeqari: Gruaja përtej stereotipeve - analiza e një realiteti që vazhdon të sfidohet

Në këtë episod të veçantë të podcastit, e ftuar është Irena, e cila sjell një analizë profesionale të intervistave të realizuara në kuadër të serisë kushtuar nënave që prindërojnë të vetme. Duke iu referuar metodologjisë së përdorur gjatë procesit të intervistimit, ajo shpjegon se si është synuar të ndërtohet një narrativë e bazuar në dinjitet, autenticitet dhe respekt për përvojat e grave, duke shmangur sensacionalizmin që shpesh shoqëron trajtimin mediatik të historive personale. Si eksperte, Irena ndalet te mënyra se si figura e gruas në këtë podcast paraqitet ndryshe nga stereotipet e zakonshme të mediave tradicionale: jo si viktimë, por si një individ me forcë, qëndrueshmëri dhe aftësi për të përballuar sfida të shumta. Ajo analizon gjithashtu sfidat sociale, institucionale dhe kulturore me të cilat përballen nënat e vetme, duke theksuar se beteja e grave për një pozicion të barabartë dhe të respektuar në shoqëri, si nëna dhe si gra, vazhdon ende sot. Një bisedë që ofron reflektim, analizë dhe perspektivë mbi realitetet që shpesh mbeten të padukshme. "Të Padukshmet: Gratë mes varësisë financiare dhe mungesës së figurës atërore në familje" Ky projekt financohet nga Bashkimi Europian dhe Reporting Diversity Network (RDN) me mbështetje të Federatës Shqiptare Të Grave për Paqe Botërore #europianunion #reportingdiversitynetwork #federatashqiptareegrave #albanianwomeninaudiovisual