Data Stories- 9 janar 2004 - Tragjedia e Karaburunit, që u mori jetët 28 shqiptarëve

Më 9 janar të vitit 2004, në detin përballë Palasës, u shkrua një nga tragjeditë më të dhimbshme për shqiptarët. 28 klandestinë, kryesisht nga zona e Shkodrës, të cilët tentuan të mbërrinin brigjet italiane me një gomone, humbën jetët në mënyrën më tragjike. Sipas dëshmive të të mbijetuarve, 36 klandestinët ishin imbarkuar në një gomone në bregdetin e Palasës, rreth orës 18 e 30 të mbrëmjes së 9 janarit. Të gjithë kishin paguar nga 1500 euro, dikush me qëllim të arrinte në tokën e premtuar, dikush që të kthehej në kohë në vendin e punës. Por, pas rreth 30 minutash udhëtim në errësirë, për shkak të dallgëve të forta dhe mbingarkesës, skafistët vendosin të kthehen mbrapsht. Këtu nisin, një pas një, edhe fatkeqësitë, pasi në udhëtimin drejt bregut, dallgët e detit, të vlerësuar 6 ballë, vinin nga përballë, duke mbuluar dhe fikur motorrat. Sipas dëshmive të të mbijetuarve, për shkakun se pompat nuk funksiononin, gomonia ishte mbushur me ujë në pak minuta. Fillimisht skafistët lidhen, me anë të telefonave celularë, me shokët e tyre dhe, më pas, vendosin të lajmërojnë Policinë e Vlorës. Duke parë se ndihma po vononte, në panik e sipër, rreth orës 20 e 30 minuta, njëri nga skafistët lidhet drejtpërdrejt me spikerin e Top Albania Radio, duke shqiptuar këto fjalë: “Jam ballë për ballë me Karaburunin, në krah të djathtë kam Palasën. Jam 5 milje në det të hapur, kemi hapur dritat, flakë të tëra... Hajdeni se u mbytëm!“ Gjithçka, nisur nga zëri i skafistit, që nuk shfaqte asnjë lloj emocioni, dukej krejtësisht sureale. Mediat nisin të shkunden me vonesë edhe për shkakun se fillimisht policia nuk e konfirmonte ngjarjen. Ndërkohë Policia e Vlorës komunikon me Distriktin Detar të Vlorës, duke kërkuar që të nisin një anije në vendngjarje. Zëvendës Shefi i Shtabit të Distriktit të Vlorës komunikon me skafistin me anë të numrit që u bë publik nga mediat dhe, pasi i kërkon vendndodhjen, i lutet që të mos i përgjigjet askujt tjetër në telefon, pasi mund të binte bateria dhe do të mbeteshin pa ndërlidhje. Por skafisti nuk e dëgjon... #mcntv #mcn #datastories #ferdinanddervishi #histori #ngjarjethistorike #9Janar2004 #TragjediaEPalasës #EmigrimiTragjik #DetiJonë #PlagëKombëtare #HistoriQëNukHarrohet #DrejtësiPërViktimat #KujtesëKombëtare #DhimbjeShqiptare #Palasë #Karaburun #DetiAdriatik