KZ-容易受傷的女人

母親節特別呈獻 KZ a.k.a 畸詩 - ９０年代曲 - 容易受傷的女人 Produced by Dough Boy Rap and Lyrics by KZ 現在 將來 你都一直係 o係我心裡面 佔 一席位 x4 verse1: 有今生 無來世 你我無分 我講緊 係含辛 茹苦o既母親 細細個 我 爸爸已經離開o左 得返細佬妹幾個 仲有你同我 有好多 好多個 你唔o係度o既夜晚 照顧細佬妹我被逼 學識 煮晚飯 學識洗衫 學識換床單 你無望過我一眼 因為每一晚 你都要加班 好少機會坐低 同你慢慢傾計 但我知道你係 好多野收o係 心底 你緊張我地 遠遠多過你自己 就晒我o地 口味 當自己 係後備 粗糙o既雙手 心裡面o既傷口 無諗過報酬 有眼淚你將佢倒流 生日唔應該係 慶祝我o既出世 應該係 紀念你好辛苦咁生我出黎 現在 將來 你都一直係 o係我心裡面 佔 一席位 x4 verse2: 你從來唔會講 你個心有幾傷 但我見到你o係房 喊濕o左紙巾幾張 你一個養大我o地三個 細路仔 轉o黎o既係 你額頭上面o既幾條路軌 你捱艱抵夜 編織獨家o既溫暖牌 仲話只係母親o既天職 我聽見心都暖埋 我諗 你o既勇敢 係最具美感 天跌落o黎 你 笑住咁 話當被𢫏 你成日話 如果o係出面比人蝦 返o黎屋企啦 起碼 仲有我呢個阿媽 你成日擔心 我o地會受到傷害
你選擇單身 一個人 去建立我o地o既將來
擔心我o地學壞 擔心o係學運會落敗 擔心我o地出夜街 擔心我o地比人拐帶 我記得你成日話 雖然屋企好細 只要我o地一家 人齊 親情係最寶貴 現在 將來 你都一直係 o係我心裡面 佔 一席位 x4 verse3: 每當我唔開心 你會想辦法哄返我 你話好感謝神 安排o左你去生我 你收工幾攰都好 返屋企第一件事 就係擁抱 然後 陪我o地睇電視 我好感激你 不過無親口對你講 我將我o既心意 寫成歌詞 然後放o係你房 希望 你明白我並唔係變o左 我依然係我 雖然笑容係唔見o左 可能因為 工作關係 少o左機會見你 你話我 細細個 已經係 神龍見首不見尾 同以前一樣 你依然係咁醒訓 同以前一樣 我同你都係似足個餅印 唔想令你哭成淚人 滿面淚痕 所以我要保護呢個容易受傷o既女人 今次 我要用歌詞 去表達我o既心聲 一個押韻 代表一朵康乃馨 現在 將來 你都一直係 o係我心裡面 佔 一席位 x4