TANESCO yatoa tahadhari kwa wananchi wa Mtera na Kidatu

Shirika la Umeme Tanzania (TANESCO) limetoa tahadhari kwa Wananchi wa Vijiji jirani na vyanzo vya kufua umeme kwa maji vya Mtera na Kidatu kufuatia taarifa iliyotolewa na Mamlaka ya Hali ya Hewa Nchini(TMA) kuwa mvua bado zinaendelea kunyesha na zipo juu ya wastani. Kufuatia taarifa hiyo ya TMA, Meneja Mwandamizi Uzalishaji Umeme Mhandisi John Skauki amesema wataalamu wa TANESCO wanafanya tathmini iwapo siku za usoni maji yahamie upande wa pili kwa ajili ya usalama wa bwawa na mitambo.