İtkin Şəhidim 💔 Tam versiya #itkinşəhidim #itkin #şəhidlər #fyp

İtkin Şəhidim- Vətənimizin bütövlüyü uğrunda mübarizədə iktin düşmüş qardaş və bacılarımıza həsr olunmuşdur. Məqsədimiz itkin şəhidlərimizin əbədi yaşar olmalarını, vətən torpağının, havasının, suyunun bir parçası olduqlarını çatdırmaqdır. Sözləri: Yolların sonu yox, gözlər dikili, Çən-duman içində itkin şəhidim. Rəsminin önündə qəddim bükülü, Min güman içində itkin şəhidim. Nə bir məzarın var, nə baş daşın var, Məzarı qəlbimdə itkin şəhidim. Cəngavər duruşun, körpə yaşın var. Dayanmış qarşımda rəsmin şəhidim. Sən itkin deyilsən, sənin nəfəsin, Bülbülün Şuşada ötməsindədir. Sən itkin deyilsən, ruhun, həvəsin, Laçında Qartalın süzməsindədir. Ruhu ilə zirvələrdə olanın, Özü itkin necə olar, şəhidim? Adı ilə tariximdə qalanın, Adı itkin necə olar, şəhidim? Qara bağın havasısan, suyusan, Yurda dərman, ruhuma can, şəhidim. İzi olan, itkin olmaz, bilirsən, İzin, Bütöv Azərbaycan, şəhidim! İzi olan itkin olmaz, bilirsən, İzin, Bütöv Azərbaycan, şəhidim! Izi olan heç vaxt itkin deyildir. Bu vətən sizin bizə əmanətinizdir.