ਗੀਤ- ਜਾਕੇ ਪ੍ਰਦੇਸ ਬਹਿ ਗਿਓਂ, ਲੈਰਿਕਸ - ਰਾਜਿੰਦਰਾ ਬਰਨਾਲਾ

ਮੇਰੇ ਝੱਲੇ ਅਰਮਾਨ, ਚੰਨਾ ਨਾਲ ਨਾਲ ਰਹਿੰਦੇ। ਗੱਲ ਮੰਨਦੇ ਨਾ ਮੇਰੀ, ਦੁੱਖ ਹਿਜਰਾਂ ਦੇ ਸਹਿੰਦੇ। ਹਾਏ ਖਿੜਿਆ ਗੁਲਾਬੀ ਫੁੱਲ ਸੀ, ਜਿੰਦ ਮਲੂਕ ਆ ਦੁੱਖਾਂ ਨੇ ਘੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ, ਕਰ ਸੁਪਨੇ ਮਿੱਟੀ ਦੀ ਢੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਰੂਹ ਵੇ ਮੇਰੀ 'ਚ, ਤਸਵੀਰ ਤੇਰੀ ਵੱਸਦੀ। ਤਸਵੀਰ ਤੇਰੀ ਵੱਸਦੀ। ਡੂੰਘੇ ਹੌਕੇ ਭਰਾਂ ਵੇ ਮੈਂ, ਉੱਤੋਂ ਉੱਤੋਂ ਹੱਸਦੀ। ਉੱਤੋਂ ਉੱਤੋਂ ਹੱਸਦੀ। ਕੀ ਏ ਡਾਲਰਾਂ ਦਾ ਭਾਅ, ਨੇ ਕੁਆਰੇ ਸਾਡੇ ਚਾਅ। ਸਾਥੋਂ ਹੋ ਗਿਆ ਤੂੰ ਦੂਰ , ਮਹਿਲ ਖੁਸ਼ੀਆਂ ਦਾ ਢਾਹ। ਚਿੱਠੀ ਚੀਰਾ ਪਾਉਣਾ ਭੁੱਲਿਆ, ਕਿਓਂ ਵਿੱਸਰੀ ਵੇ ਯਾਦ ਤੈਨੂੰ ਮੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ, ਕਰ ਸੁਪਨੇ ਮਿੱਟੀ ਦੀ ਢੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਫਿੱਕਾ ਫਿੱਕਾ ਤੇਰੇ ਬਿਨ, ਪੁੰਨਿਆਂ ਦਾ ਚੰਨ ਵੇ। ਪੁੰਨਿਆਂ ਦਾ ਚੰਨ ਵੇ। ਚੁੱਪ ਅਸਾਂ ਧਾਰੀ, ਹੋਣ ਕੰਧਾਂ ਦੇ ਵੀ ਕੰਨ ਵੇ। ਹੋਣ ਕੰਧਾਂ ਦੇ ਵੀ ਕੰਨ ਵੇ। ਤੇਰੀ ਦੇਖ ਮਗਰੂਰੀ, ਸਾਡੀ ਮੁੱਕ ਗਈ ਗਰੂਰੀ। ਸੋਚਾਂ ਸੋਚ ਸੋਚ ਥੱਕੇ, ਕੀ ਏ ਤੇਰੀ ਮਜ਼ਬੂਰੀ। ਹਾਏ ਲੱਖ ਵਾਰੀ ਤੂੰ ਭੁੱਲਜਾ, ਰਹਿਣੀ ਸਾਨੂੰ ਵੇ ਉਡੀਕ ਚੰਨਾ ਤੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ, ਕਰ ਸੁਪਨੇ ਮਿੱਟੀ ਦੀ ਢੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਚਾਈਂ ਚਾਈਂ ਸੱਧਰਾਂ ਦਾ, ਭਰਿਆ ਸੰਦੂਕ ਸੀ। ਭਰਿਆ ਸੰਦੂਕ ਸੀ। ਕੋਹਾਂ ਦੂਰ ਜੀਹਦੇ ਕੋਲੋਂ, ਬਿਰਹਾ ਦੀ ਹੂਕ ਸੀ। ਬਿਰਹਾ ਦੀ ਹੂਕ ਸੀ। ਪਈ ਗ਼ਮਾਂ ਦੀ ਵੇ ਮਾਰ, ਪੀਤੇ ਹੰਝੂ ਬੇਸ਼ੁਮਾਰ। ਚੜ੍ਹਿਆ ਸਾਉਣ ਵੇ ਸਲਾਭਾ, ਗਏ ਦੀਦੇ ਸਾਡੇ ਹਾਰ। ਲਾਰਿਆਂ ਦਾ ਗੋਹੜਾ ਕੱਤਕੇ, ਤੰਦ ਤੰਦ ਜੋੜ ਅੱਟੀ ਵੇ ਆਟੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ, ਹੋ ਗਏ ਸੁਪਨੇ ਮਿੱਟੀ ਦੀ ਢੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਉਡੀਕਾਂ ਦੇ ਬਨੇਰਿਆਂ ਤੇ, ਔਸੀਆਂ ਨਿਰਾਸੀਆਂ। ਔਸੀਆਂ ਨਿਰਾਸੀਆਂ। ਨਿਭਣ ਮੁਹੱਬਤਾਂ ਨਾ,'ਜਿੰਦੇ' ਇੱਕ ਪਾਸੀਆਂ। ਜਿੰਦੇ' ਇੱਕ ਪਾਸੀਆਂ। ਤਾਂ ਵੀ ਤੂੰ ਏਂ ਮੇਰੀ ਜਾਨ, ਤੈਥੋਂ ਜਿੰਦ ਕੁਰਬਾਨ। ਤੇਰੀ ਹਰ ਇੱਕ ਅਦਾ, ਚੰਨਾ ਸਾਨੂੰ ਪ੍ਰਵਾਨ। ਆਜਾ ਤੂੰ ਜਹਾਜ ਚੜ੍ਹਕੇ, ਤੱਕਾਂ ਰਾਹਾਂ ਨਾ ਲਾਈਂ ਹੁਣ ਦੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ, ਹੋ ਗਏ ਸੁਪਨੇ ਮਿੱਟੀ ਦੀ ਢੇਰੀ। ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ..... ਵੇ ਜਾਕੇ ਪ੍ਰਦੇਸ ਬਹਿ ਗਿਓਂ.....