Aksioni i IKMT-se ne Orikum, nis perplasja me pronaret e objekteve | ABC News Albania

Tri orë pasi IKMT ka vazhduar aksionin për prishjen e objekteve në zonën e Orikumit nisi dhe përplasja me pronarët. Ata thonë se ky aksion është selektiv dhe se nuk kanë dijeni për projektin që prek pronat e tyre. Në mes tyre ka patur dhe fëmijë. Ndërkohë policia ka ndërhyrë dhe ka nisur shoqërimin e disa personave që kanë penguar mjetet e IKMT të vazhdojnë aksionin. Në listë për t’u shembur janë rreth 60 objekte dhe ky aksion ka për qëllim lirimin e hapësirave për zbatimin e projektit të bregdetit. Ndërtimet që do të rrëzohen janë kryesisht biznese në plazh. “S’ka të drejtë ai që me një eskavator të madh të vijë të më prishë punë që kam vite të tëra që e kam ndërtuar. Rris fëmijët me atë punë. Asnjë lloj projekti s’kemi parë. Në s’kemi bërë krim, jemi në punën tonë, jetojmë”, tha një banore. /ABC News Albania 24/7